Mariko 12:2 - Baibuli Ekibono kya Katonda 2014

² “Ekiseera bwe kyatuuka, yaatuma omugheereza we y'abalimi anoneyo ku bibala eby'eisamba ery'emizabbibu.

Mariko 12:2 ပူးပေါင်းရင်းမြစ်များ

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Ebyomubyanda 36:15

Musengwa Katonda oyo, Katonda wa badhaadha baibwe yayongera okubagheerezanga abakwenda aghazira kukoogha naire, kuba yali ayenda okubawonia beene era n'okuwonia eisinzizo lye.

Ezera 9:11

bye watugha ng'obita mu bagheereza bo abalanzi, ng'otukoba oti, ‘Ensi ye muli kwingiramu okutwala ebe eyaimwe, ti nongoofu naire. N'abantu baamu tiibalongoofu, kuba baagyonoona n'ebibi ebyenhinhalwa bye bagikoleramu okuva y'eva okutuuka y'ekanga.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Zekaria 7:7

Byene ebyo Musengwa Katonda bye yayogera ng'abita mu balanzi abaaligho mu biseera eby'eira. Mu biseera ebyo ekibuga Yerusalemu bye kyabeeranga ng'ebintu bikijiira bukalamu nga kiidhwire abantu. Era ng'abantu bali kamaala mu bibuga ebikyezungulwire, ni mu biketezo ebiri ku luuyi olw'omukono omusaadha olw'e buvandhuba, n'ebyo ebiri mu biiko.

Matayo 21:34

Ebiseera eby'okukungula bwe byatuuka yaatuma abagheereza be eri abakozi afune ebiva mu isamba lye.

Mariko 12:1

Agho Yesu yaatoolera okwogera nabo mu nfumo, ati: “Ghaaligho omuntu, yaasimba eisamba ery'emizabbibu, yaalisitaku olukomera, yaasimamu ekikunhiro eky'omwenge ogw'emizabbibu, yaazimbamu ekituuti ekireeyi, yaataamu abakozi, yaaja mu lugendo olw'eghala.

Mariko 12:3

Aye baamugema baamukuba era baamwiririzaayo ngalo ndhereere.

Luka 12:48

Aye oyo ataidhi, bw'akola ekimugwaniza okukubwa, alikubwa mitontono. Buli eyagheebwa ebingi era alibuuzibwa bingi era oyo eyateresebwa ebingi, alisingagho okubuuzibwa.”

Luka 20:10

Ekiseera kyatuuka, yaatuma omugheereza aje y'abakozi amunonere ku biva mu isamba lye aye abakozi baamukuba era baamwiririzaayo ngalo nkalu.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.