Mariko 11:32 - Baibuli Ekibono kya Katonda 2014

³² Mperaano tukobe tuti kwava mu bantu?” Baali batya abantu, kuba boonaboona baali bakitwala bati Yoanne yali mulanzi mwene.

Mariko 11:32 ပူးပေါင်းရင်းမြစ်များ

Matayo 11:9

Aye kale imwe mwaja kubona ki? Mulanzi? N'agh'agho, ka mbakobere: Mwaja kubona asingaku n'omulanzi

Matayo 14:5

Aye waire yeegomba okumwita, yatya abantu abaali bamutwala nga mulanzi.

Matayo 21:46

Baagezaaku okumugema, aye baatya olukunkumuli olw'abantu abaali bamwidhi nga mulanzi.

Mariko 11:31

Agho baakubagania ebidhuubo beene na beene, baakoba bati: “Bwe tukoba tuti kwava mu igulu, aidha kukoba ati, ‘Memale lwaki timwamwikiriza?’

Mariko 11:33

Agho baakoba bati: “Titwidhi!” Yesu yaabakoba ati: “Niini zeena tiibakobere buyinza bunkoza ebyo.”

Mariko 12:12

Baali benda okumugema, kuba baali bamanhie ng'olufumo alugereiza ku beene, aye baatya ekiyindi eky'abantu. Kale baamuleka yaaja.

Mariko 6:20

Herode yali atya Yoanne, ng'amwidhi bw'ali omuntu omutuufu era omutuukirivu n'okumukuumanga obukalamu. Yayagaananga obuzibu mu bye yayogeranga, aye ng'amuwulirisa bukalamu.

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Luka 22:2

Bakabona Abakulu n'Abanamateeka baali bali kwagala engeri ey'okuzikiriza Yesu, kuba baali batya abantu.

Yoanne 10:41

Abantu kamaala baidha y'ali era baakoba bati: “Yoanne tiyakola kyewuunhio kyonakyona aye byonabyona bye yakoba ku musaadha ono byali bituufu.”

Ebikolwa by'Abatume 5:26

Agho omukulu ow'abakuumi yaaja n'abasaadha be, baaleeta Abatume, aye nga tibakozeisa maani, kuba baatya abantu okubakuba amabaale.