Mariko 11:22 - Baibuli Ekibono kya Katonda 2014

²² Yesu yaabairamu ng'akoba ati: “Mubenga n'okwikiriza mu Katonda.

Mariko 11:22 ပူးပေါင်းရင်းမြစ်များ

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Matayo 14:29

Yesu yaamukoba ati: “Idha.” Agho Petero yaava mu lyato, ng'atambulira ku maadhi okuja eri Yesu.

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Matayo 21:21

Yesu yaabairamu ati: “Bwenebwene ka mbakobere, bwe muba n'okwikiriza, nga timubuusabuusa, timulikola ekyo ekikoleibwa ku mutiini kyonka, aye ni bwe mulikoba olusozi luno muti, ‘Va ghano weesuule mu nhandha,’ kityo bwe kiriba.

Mariko 9:23

Yesu yaamukoba ati: “Waakoba oti oba nsobola! Byonabyona bisoboka y'oyo aikiriza.”

Yoanne 14:1

Yesu yaabakoba ati: “Mutabanga beeraliikirivu mu myoyo gyaimwe. Mwikirize Katonda, zeena mundhikirize.

Ab'e Kolosai 2:12

Mu kubatizibwa mwaziikibwa ghalala naye, era mwazuukizibwa ghalala naye, olw'okwikiriza kwaimwe kwe muli nakwo mu maani ga Katonda eyamuzuukiza okuva mu bafu.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,