17 Agho yaayegeresa ng'abakoba ati: “Tikyaghandiikibwa kiti, ‘Endhu yange enaayetebwanga yaakusabiramu amaghanga goonagoona.’ Aye imwe mugifiire mpuku ya banhazi!”
“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”
Abantu balikuleetera entaama dhoonadhoona edh'e Kedari n'edh'e Nebaiothi, baadhighaayo ng'omusengo. Balidhireetanga ku alutaari, Musengwa Katonda yaadhisiima. Era Musengwa Katonda oyo alyongeranga okufuula eisinzizo lye okuba ery'ekitiisa.
Obwo mulowooza muti eisinzizo lino eryange lyene lifuuse mpuku ya banhazi? Bona eno, nze mwene mboine bye muli kukola.
Musengwa Katonda akoba ati: “Abaisiraeli ti beesigwa, bali ng'oti basuubuzi abakozesa minzaani enkyamu, okuseera be basuubulagana nabo.
Era yaaloba kuganha muntu yeenayeena kubisa kantu mu isinzizo.
Yaabakoba ati: “Kyaghandiikibwa kiti, ‘Endhu yange enaabanga ndhu yaakusabiramu.’ Aye imwe mugifiire mpuku ya banhazi!”
Bwe yatuuka mu isinzizo yaayagaanamu abali kutunda ente, entaama n'enjiibwa, n'abafaana empiiya nga batyaime agho bali ku gwaibwe.
Yaalagira abaali bali kutunda enjiibwa ati: “Bino mubitoole ghano. Era mulekere okufuula endhu ya Lata wange ekiya!”