Mariko 11:1 - Baibuli Ekibono kya Katonda 2014

¹ Nga bali kumpi okutuuka e Yerusalemu, agho kumpi n'ebibuga Bethifage ni Bethania ku Lusozi olw'Emiti Emyoliva, yaatuma babiri ku Beegeresebwa be, yaabakoba ati:

Mariko 11:1 ပူးပေါင်းရင်းမြစ်များ

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

Zekaria 14:4

Mu kiseera ekyo alyemerera ku Lusozi olw'Emiti Emyoliva, oluli ku luuyi olw'e buvandhuba olwa Yerusalemu. Olusozi olwo lulyeyatisaamu endhawu ibiri okuva e buvandhuba okutuuka e bugwandhuba, lwaidhamu ekiiko ekigazi einho. Olwawu olundi olw'olusozi olwo luliseseetukira ku luuyi olw'omukono omugooda olw'e buvandhuba, ate olwawu olundi lwaseseetukira ku luuyi olw'omukono omusaadha olw'e buvandhuba.

Matayo 21:17

Agho yaabaleka yaava mu kibuga, yaaja e Bethania yaasula eyo.

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Matayo 26:30

Era bwe baamala okwemba olwembo baafuluma baaja ku Lusozi olw'Emiti Emyoliva.

Mariko 11:2

“Muje mu kyalo ekibali mu maiso, era bwe munaaba mukingira muti, mwidha kubona endogoyi ento ng'esibiibwa nga tetyamwangaku muntu yeenayeena mugisibule mugireete.

Mariko 13:3

Bwe yali ng'atyaime ku Lusozi olw'Emiti Emyoliva, ng'olingiriire eisinzizo, Petero ni Yakobo ni Yoanne n'Anderea baamubuuza nga bali bonka, bati:

Mariko 14:13

Agho yaatuma babiri ku Beegeresebwa be, yaabakoba ati: “Muje mu kibuga, mwidha kwagaana omusaadha eyeetwise ensugha ey'amaadhi, mumunonereze.

Mariko 6:7

Agho yaayeta Eikumi n'Ababiri era yatoolera okubatuma babiri babiri, yaabagha n'obuyinza ku mizimu emibi.

Yoanne 8:1

Aye Yesu yaaja ku Lusozi olw'Emiti Emyoliva.

Ebikolwa by'Abatume 1:12

Agho bairayo e Yerusalemu nga bava ku Lusozi olw'Emiti Emyoliva, kumpi ni Yerusalemu, olugendo olugheza kilomita ng'oti ndala.