Mariko 10:39 - Baibuli Ekibono kya Katonda 2014

³⁹ Baamukoba bati: “Tusobola.” Agho Yesu yaabakoba ati: “Ekikopo kye nhwa mulikinhwa, n'okubatizibwa kwe mbatizibwa mwena mulikubatizibwa.

Mariko 10:39 ပူးပေါင်းရင်းမြစ်များ

Matayo 10:25

Kimala ayegeresebwa okuba ng'omwegeresa we, n'omugheereza okuba nga Musengwa we. Kale oba nga mwenemu bamweta Beelezebulu, memale leero balyaza gha okubiiya ab'omu maka ge!

Matayo 3:6

era yaababatiza mu mwiga Yorudani nga bwe baatula ebibi byaibwe.

Mariko 14:31

Petero yaasinzaagho okukakasa, yaakoba ati: “Ni bwe kiba nga kyetaagisa nze okufa n'iwe, tiikwegaane.” N'abandi boonaboona baakoba batyo.

Mariko 14:36

Era yaakoba ati: “Abba, Lata, byonabyona obisobola. Ntoolaaku ekikopo kino aye ti nga nze bwe nhenda, aye nga iwe bw'oyenda.”

Yoanne 13:37

Petero yaamukoba ati: “Musengwa lwaki tighanga kukunonereza mperaano? Ndidha kughaayo obulamu bwange ku lulwo!”

Yoanne 15:20

Mwidhukire kye mbakobye: omugheereza tasinga Musengwa we. Oba nga nze bankiriga, mwena balibakiriga; oba nga baawulira ebibono byange, ebyaimwe byona balibiwulira.

Yoanne 17:14

Nze nabakoba ekibono ekyo, era ensi yaabakyagha, kuba ti ba nsi ng'oti ninze bwe ntali wa nsi.

Ebikolwa by'Abatume 12:2

Era yaakozesa empiima yaita Yakobo muganda wa Yoanne.

Ab'e Kolosai 1:24

Ndi musangaavu buti olw'okudaaga kwe ndaaga ku lwaimwe, era mu mubiri gwange nhambaku okumaliriza ebyo ebyasigalira mu kudaazibwadaazibwa kwa Kurisito ku lw'omubiri gwe. Omubiri gwe guno n'Ekikunsu eky'Abaikiriza mu Kurisito.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.