Mariko 10:30 - Baibuli Ekibono kya Katonda 2014

³⁰ n'atafuna maka ni baganda be ni baanhina ni ba inhina n'abaana n'ebibandha, emikuzi kikumi mu nsi muno, taaku okudaazibwadaazibwa, ate mu biseera ebiidha, obulamu obutawaagho.

Mariko 10:30 ပူးပေါင်းရင်းမြစ်များ

2 Ebyomubyanda 25:9

Amazia yaakoba omuntu wa Katonda ati: “Ate nnaakola ntya talanta ekikumi, dhe mmaze okusasula eigye lya Isiraeli?” Omuntu wa Katonda yairamu ati: “Musengwa Katonda asobola okukugha n'ebisinga agho.”

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Ensambo 16:16

Okuba n'amagezi kuwula okuba ni zaabu, era ole okulondagho okuba omutegeevu kiwula okulondagho feeza.

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Matayo 12:32

Era n'oyo alisala ku Mwana w'Omuntu ekibono alisoniyibwa aye oyo alyogera ekibi ku Mwoyo Mutukuvu, talisoniyibwa, idho ni lule.

Matayo 13:8

Ate edhindi dhaagwa mu itaka eirungi dhaayama, okundi kikumi, okundi nkaaga, okundi asatu.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Luka 18:30

n'atafuna ebisingagho kamaala mu nsi muno, ate ni mu biseera ebiidha n'agheebwa obulamu obutawaagho.”

Yoanne 10:23

Yesu yali ali kutambula mu isinzizo mu kigangu kya Solomoni.

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ebikolwa by'Abatume 16:25

Agho nga mu bwire ghagati, Paulo ni Sila baali basaba Katonda era nga bamusaaka mu nhembo, era n'abasibe nga bali kuwulirisa.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ab'e Roma 5:3

Era tusagamba ni mu kudaagadaaga kwaife kuba twidhi tuti okudaagadaaga kuvaamu okuguminkiriza,

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

1 Timotheo 6:6

Kituufu okwikiriza kulimu obukombe kamaala, kasita ole n'awulira ng'ebyo by'ali nabyo bimumala.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

1 Yoanne 2:25

Era ekisuubizo kye yatusuubiza, n'obulamu obutawaagho.

1 Yoanne 3:1

Mubone Lata nga bwe yatugonza, ife okwetebwa abaana ba Katonda! Ate nga era kye tuli. Ensi kyeva n'etatumanha lwa kuba yeena tiyamumanha.

Okwolekebwa 2:9

Ndidhi okudaagadaaga kwo n'obwavu bwo, ate ng'oli mukombe. Ndidhi ebikughaamibwa abo abeeyeta Abayudaaya, ate nga ti Bayudaaya, aye abantu ba Sitaani.

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.