Mariko 10:27 - Baibuli Ekibono kya Katonda 2014

²⁷ Agho Yesu yaabalingirira, yaakoba ati: “Ku bw'omuntu tikisoboka aye ti ku Katonda kuba mu Katonda byonabyona bisoboka.”

Mariko 10:27 ပူးပေါင်းရင်းမြစ်များ

2 Bakyabazinga 3:18

Elisha yaayongera okukoba ati: “Ate ekyo kitono na inho mu maiso ga Musengwa Katonda, kuba era aidha kuta n'Abamoabu mu ngalo dhaimwe.

2 Bakyabazinga 7:2

Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

Yobu 42:2

“Musengwa Katonda, ndidhi ng'oghanga ebintu byonabyona. Era ky'oba osazeegho okukola, ghazira kikiziyiza.

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Yeremia 32:27

“Bona eno, nze ninze Musengwa Katonda, Katonda w'abantu boonaboona. Ghazira kintu kikalangufu inho nze kye ntasobola.

Zekaria 8:6

“Ekyo kiboneka okuba ng'ekitasoboka eri abo abaawonagho abali mu ighanga lino buti, aye eri nze ghazira kitasoboka.

Matayo 19:26

Yesu yaabalingirira, yaabakoba ati: “Ku bw'omuntu kino tikisoboka, aye mu Katonda byonabyona bisoboka.”

Mariko 10:26

Agho beewuunhia n'okusingagho era mule beebuuza bati: “Memale olwo naani asobola okulokolebwa?”

Luka 1:37

kuba mpaagho kirema Katonda.”

Luka 18:27

Aye Yesu yaabairamu ati: “Ebitasoboka mu bantu, Katonda abisobola.”

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

Abaheburayi 11:19

Aburahamu yamanha nga Katonda asobola okuzuukiza abafu kyaba ng'oti Katonda yamwiriza Isaaka ng'ali ng'aviire mu bafu.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.