Mariko 10:24 - Baibuli Ekibono kya Katonda 2014

²⁴ Abeegeresebwa be beewuunhia ebibono ebyo. Aye Yesu yaabakoba ati: “Baana bange, nga kikalangufu okutuuka mu Bwakyabazinga bwa Katonda.

Mariko 10:24 ပူးပေါင်းရင်းမြစ်များ

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Zabbuli 52:7

“Mubone omusaadha eyaloba okweguya Katonda okumukuuma, nga yeesigulira ku bukombe bwe obungi, era nga yeesiga enkwe dhe edh'obuguya okumukuuma.”

Zabbuli 62:10

Oteesiganga bikolwa bya bukambwe; otasuubiriranga mu kukambula. Eby'obukombe bwebyeyongeranga otabitangaku mwoyo gwo.

Ensambo 11:28

Ole eyeesiga obukombe bwe aja kukala ng'oti ikaba lya muti oguwaawiiza, aye omutuufu aja kugimuka ng'oti ikaba lya muti ogusibwisa.

Ensambo 18:11

Aye omukombe alowooza ati eby'obukombe by'aba nabyo n'ebimukuuma, era ati eby'obukombe ebyo n'ekimante ekigumu ekimwezungulwire okumuwonia abazigu.

Ensambo 23:5

Kuba obukombe osobola okububona oti, aye bwavaagho mangu bwaba ng'oti bumeze maghagha, bwagulukagho ng'oti n'enkookooma bw'egulukira ghaigulu n'ebulagho.

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Habakkuku 2:9

Mukagwireku, imwe abakombaghaza ab'omu ndhu dhaimwe nga munhaga ebintu eby'abantu abandi. Era ni muzimba endhu dhaimwe mu bifo ebitatuukikamu, nga mugenderera okwewonia.

Zefania 1:18

Ku lunaku olwo Musengwa Katonda lw'aliragiraku obusungu bwe ezira kirisobola kubawonia, waire feeza ni zaabu waibwe yeenayeena. Obusungu bwe obuli ng'oti muliro, obuva ku nkikidi y'ali nayo ku lw'abantu be, buja kuzikiriza ensi yoonayoona. Aja kutuusa abantu boonaboona ababa ku nsi, ku nkomerero yaibwe eriba ya mangu inho ng'oti kutemya na kuzibula.

Matayo 19:25

Abeegeresebwa olwawulira ekyo, beewuunhia ekibitiriire nga bakoba bati: “Memale olwo naani aghanga okulokolebwa?”

Mariko 1:27

Abaaligho boonaboona beewuunhia era beebuuzagania beene na beene bati: “Kino naani eyali akiboine? Eno ndhegeresa ki empyaka ey'obuyinza? Ono alagira n'emizimu gyamuwulira!”

Mariko 10:23

Yesu yeezunguluza maiso, yaakoba Abeegeresebwa be ati: “Nga kikalangufu abakombe okutuuka mu Bwakyabazinga bwa Katonda!”

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Yoanne 13:33

Baana bange, nkaali n'imwe akaseera katono. Mulindhagala, aye nga bwe nakoba Abayudaaya mwena bwe mbakoba buti, ‘Ye nja timughanga kwidhayo.’

Yoanne 21:5

Yesu yaabakoba ati: “Abaana muligho n'eky'okulya?” Bairamu bati: “Busa.”

Yoanne 6:60

Abeegeresebwa be kamaala bwe baawulira ebyo, baakoba bati: “Ekibono kino nga kikalangafu! Naani aghanga okukiwulirisa?”

Ab'e Galatia 4:19

Bwana bwange obugonzi, ng'omukazi bw'alumwa ng'azaala, zeena bwenumwa ku lwaimwe okutuusa Kurisito lw'alitondebwa mu myoyo gyaimwe.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Yoanne 2:1

Baana bange, mbaghandiikira ebintu bino mulobe kwonoona. Aye omuntu yeenayeena bw'akola ekibi, tuli n'omubeezi ye Lata, ni Yesu Kurisito omutuufu.

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.

1 Yoanne 5:21

Baana bange, mwekuume ebyo ebisinzibwa ebitali Katonda.

Okwolekebwa 3:17

Okoba oti, ‘Ndi mukombe, ndi bukalamu, nzira kye ndhulirira’, waaloba kumanha ng'oli mughafu asaasirwa, omwavu, omutulu era ali ekidu.