Mariko 10:14 - Baibuli Ekibono kya Katonda 2014

¹⁴ Yesu olwakibona, yaasungughala, yaabakoba ati: “Muleke abaana abato baidhe ye ndi, mutabalobera kuba abali ng'abo n'ababa mu Bwakyabazinga bwa Katonda.

Mariko 10:14 ပူးပေါင်းရင်းမြစ်များ

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Zabbuli 78:4

Tituja kubigisa baana baife, tuja kukobera abo ab'oluse olwidha, eby'amaani Musengwa Katonda bye yakola ebimuleetera okusaakibwa, n'ebyewuunhisa bye yakola.

Isaia 65:23

Emirimo gye balikola tibalidaagira bwereere. N'abaana be balizaala tibalituukibwaku kabi naire kuba nze Musengwa Katonda mwene ndibagha enkabi ghalala n'eizaire lyaibwe.

Okubala 14:31

Aye abaana baimwe abato be mwakoba muti baja kufuuka munhago, abo be ndingiza ni batyama mu nsi eyo, imwe ye mwanhoomerera.

Matayo 18:10

“Mwegendereze, obutanhoomanga ni bw'aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [

Matayo 18:4

Kale buli eyeisa n'afaanana ng'omwana omuto, oyo n'asinga obubbede mu Bwakyabazinga obw'omu igulu.

Matayo 19:14

Yesu yaabakoba ati: “Abaana mubaleke mutabalobera kwidha ye ndi, kuba abali ng'oti n'abo n'ababa mu Bwakyabazinga obw'omu igulu.”

Matayo 5:10

Ba nkabi abakirigibwa olw'obutuufu, kuba Obwakyabazinga obw'omu igulu bwaibwe.

Matayo 5:3

“Ba nkabi abaavu mu mwoyo, kuba Obwakyabazinga obw'omu igulu bwaibwe.

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Mariko 8:33

Yesu yaakyuka yaalingirira Abeegeresebwa be, yaadhuuka Petero ati: “Nva mu maiso, Sitaani! Kuba tofa ku bya Katonda, ofa ku bya bantu!”

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Ebikolwa by'Abatume 2:39

kuba ekisuubizo kya Katonda kyaimwe n'abaana baimwe, n'abo boonaboona abali eghala, boonaboona Musengwa Katonda waife oyo b'aba ng'ayese.”

Ebikolwa by'Abatume 3:25

Niimwe abaana ab'abalanzi era ab'endagaano Katonda ye yakola ni badhaadha baife ng'ekoba Aburahamu eti ‘Mu izaire lyo amaghanga goonagoona mwe galifunira enkabi.’

Ab'e Roma 11:16

Omugaati gwonagwona guba mutukuvu kasita akatundu kaagwo kagheebwayo ng'ekibala ekisooka. Era emizi egy'omuti bwe giba emitukuvu, n'ensaga dhoona dhiba ntukuvu.

Ab'e Roma 11:28

Bwe twogera ku by'Amawulire Amalungi, Abaisiraeli baba bazigu ba Katonda imwe musobole okugasibwa, aye bwe twogera ku kulondebwamu, Abaisiraeli baba bagonzi ye Katonda, olwa badhaadha baibwe.

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

1 Ab'e Korintho 7:14

Omusaadha atali mwikiriza aba muntu wa Katonda ku lwa mukazi we, ate omukazi atali mwikiriza yeena yaaba muntu wa Katonda ku lwa iba. Nguli tikyali kityo abaana baibwe bandibairenga ng'abataidhi Katonda. Aye nga bwekiri kityo, boona baba bantu ba Katonda.

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

2 Timotheo 1:5

Ndidhukira okwikiriza kwo okw'amazima okwatoolerera mu dhaadha wo Loi, ni kuja ni mu inhoko Eunike, era buti kwe nkakasa nti kuli ni mu iwe.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

Yoshua 8:35

Ku ebyo Musa bye yalagira ghazira Yoshua ky'ataasoma, era mu Baisiraeli abeesoloza okumuwulira ng'asoma, n'omwali abakazi, n'abaana, n'abasenze abaali baba aghalala n'Abaisiraeli.

1 Petero 2:2

Ng'abaana abaghere bwe balirira amata amakalamu buli kiseera, mwena buliidho mwegombenga emere enkalamu ey'omwoyo. Bwe mulya emere eyo mwidha kukula era mulokolwe.

Okwolekebwa 14:5

Tiboogerangaku bya kusubagha era baziraku kibi kyonakyona.

1 Samueli 1:11

Yeeyama ng'akoba ati: “Wo Musengwa Katonda Afuga Amagye, bw'onaalingirira okudaazibwadaazibwa kwange nze omwiru wo omukazi, n'ondidhukira n'otaneerabira, n'ompa omwana omulenzi, nja kumukugha iwe Musengwa Katonda enaku dhoonadhoona edh'obulamu bwe, era taasalengaku nviiri.”

1 Samueli 1:22

Aye ku mukuzi ogwo Hanna tiyaja nabo, kuba yakoba iba ati: “Omwana bw'alikula n'ava ku mabeere, ndimutwala naamwandhulayo ye Musengwa Katonda era yaaba eyo enaku dhoonadhoona edh'obulamu bwe.”