Mariko 1:35 - Baibuli Ekibono kya Katonda 2014

³⁵ Enkyo Yesu yaawuuna be pwi pwi pwi nga n'endhuba ekaali kuvaayo, yaasituka yaaja mu kifo ezira bantu yaaba eyo ng'asaba.

Mariko 1:35 ပူးပေါင်းရင်းမြစ်များ

Zabbuli 109:4

Bandhogeraku bibi byereere, waire nga nze mbagonza era naabasabira.

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Matayo 14:13

Yesu olwabiwulira yaava agho, yaagema eryato yaaja eyo yenka mu kifo ezira bantu. Aye abantu olwamanha, baava mu bibuga baamunonereza nga babita ku lukalu.

Matayo 14:23

Bwe yamala okusiibula abantu yaaja okusaba yenka eyo ku lusozi. Eigulo lyatuuka ng'ali eyo yenka.

Mariko 1:36

Simoni, ni baine bwe baali, baaja nga bamwagala.

Luka 5:16

Aye Yesu yaabavangaku yaaja eyo ezira bantu yaasaba.

Luka 6:12

Olwatuuka mu nnaku edho, Yesu yaaja ku lusozi okusaba, era yaakyesa obwire ng'asaba Katonda.

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 6:15

Yesu yaamanha ati baali bali kumpi okumugema bya ntaka bamufuule Kyabazinga. Yaavaagho kabiri yaaja eyo mu nsozi yenka.

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

Ab'e Filippi 2:5

Mube n'omwoyo ng'oti ni Kurisito Yesu gwe yali nagwo:

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.