Mariko 1:34 - Baibuli Ekibono kya Katonda 2014

³⁴ Yaawonia abantu kamaala abaali n'obulwaire obwa buli nsambo, emizimu kamaala yaagibinga ku be gyali gigemye, era nga tagiganha na kwogera, kuba gyali gimwidhi.

Mariko 1:34 ပူးပေါင်းရင်းမြစ်များ

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Mariko 1:25

Yesu yaakaabukira omuzimu ati: “Sirika, era omuntu ono muveeku.”

Mariko 3:12

Aye yaagisikirira inho girobe kumulaalaisa.

Luka 4:41

Era n'emizimu emibi gyona gyava ku bantu kamaala nga gyasiikana giti: “Iwe oli Mwana wa Katonda!” Yaagikaabukira nga tagiganha kwogera, kuba gyali gimwidhi nga ni Kurisito.