Mariko 1:19 - Baibuli Ekibono kya Katonda 2014

¹⁹ Bwe yeeyongeraku emberi katono, yaabona Yakobo ni Yoanne, batabane ba Zebedaayo. Baali mu lyato nga batereeza obutimba bwaibwe.

Mariko 1:19 ပူးပေါင်းရင်းမြစ်များ

Matayo 4:21

Bwe yava agho, yeeyongerayo, yaabona aboluganda abandi babiri: Yakobo ni Yoanne, abaana ba Zebedaayo, nga bali mu lyato n'iseibwe Zebedaayo nga batereeza obutimba bwaibwe yaabeeta.

Mariko 1:18

Mangu ago baaleka obutimba bwaibwe baamunonereza.

Mariko 1:20

Era boona mangu ago yaabeeta baaleka iseibwe Zebedaayo n'abakozi mu lyato, baanonereza Yesu.

Mariko 10:35

Agho Yakobo ni Yoanne, abaana ba Zebedaayo baaseeta aghaali Yesu baamukoba bati: “Mwegeresa, twenda otukolere kyonakyona kye tunaakusaba.”

Mariko 14:33

Yaatoola Petero, Yakobo ni Yoanne yaaja nabo. Yaatabulwa era yeeraliikirira.

Mariko 3:17

Yakobo mutabane wa Zebedaayo ni Yoanne muganda we, be yatuuma eriina “Boanerigesi”, ekitegeeza, “Abaana ab'olukuba”,

Mariko 5:37

Tiyaganha muntu yeenayeena kumunonereza okutoolaku Petero ni Yakobo ni Yoanne muganda wa Yakobo.

Mariko 9:2

Nga ghabiseegho enaku mukaaga, Yesu yaagema ku Petero ku Yakobo ni ku Yoanne, yaaja nabo bonka eyo embali ku lusozi oluleeyi eyo, yaafuuka obundi, nga babona.

Yoanne 21:2

Simoni Petero, ni Thomasi ayetebwa omulongo, ni Nathanaeli eyava e Kana mu Galilaaya, ni batabane ba Zebedaayo, n'Abeegeresebwa abandi babiri, baali bali ghalala.

Ebikolwa by'Abatume 1:13

Bwe bangira, baaniina mu kisenge ekya ghaigulu mwe baabanga: Petero ni Yoanne, Yakobo ni Anderea, Filipo ni Thomasi, Barutholomayo ni Matayo, Yakobo mutabane wa Alufaayo ni Simoni Omuzeloti, ni Yuda owa Yakobo.

Ebikolwa by'Abatume 12:2

Era yaakozesa empiima yaita Yakobo muganda wa Yoanne.