Malaki 4:3 - Baibuli Ekibono kya Katonda 2014

³ Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

Malaki 4:3 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

2 Samueli 22:39

Nabamulungula naabafumitafumita baaba nga tibaghanga kusituka, baagwa ku itaka naabaniinaniinaku.

2 Samueli 22:43

Nabasekula, naabasa baaba ng'oti nkungu; naabatyankirira ng'oti bityanka eby'omu nguudo, naabasansaania.

Yobu 40:12

Bwenebwene lingirira buli mwepansi omumale amaani. Otyankirire ababi agho gheene ghe bali.

Zabbuli 147:6

Musengwa Katonda asitusa abo abaniinirirwa, aye abakozi ab'ebibi yaabasuula ku itaka.

Zabbuli 49:14

Basindikibwa mu nsi ey'abafu ng'oti ntaama, olumbe lwabaaya, baaserengeta mu magombe aghazira kusibamu, emibiri gyaibwe gyavundira eyo. Mu nsi y'abafu n'eri amaka gaibwe.

Zabbuli 91:13

Olibita ghagati mu nsolo enkambwe, era waaniinirira emisota egy'obusagwa.

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 26:6

Mpegaano abaavu n'abanaku, n'abali kukityankirira n'ebigere byaibwe.

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Ezekieli 28:18

Olw'ebibi byo olukunkumuli n'obukupankupania obungi mu kusuubula kwo, waleetera ebifo byo ebisinzibwamu okwonooneka. Kyenava ni ntumbusa omuliro mu iwe gwakwokya, abo boonaboona abakulingangaku baabona ng'osiriire ofuuse ivu.

Danieli 7:18

Aye abatukuvu b'oyo Ali Ghaigulu Yeene, baligheebwa obwakyabazinga bwaba bwaibwe ebyanda n'ebyanda.”

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Malaki 3:17

Musengwa Katonda Afuga Amagye akoba ati: “Abo baliba bantu bange, nga bange mu ngeri ey'endhawulo. Era ku lunaku lwe ndituukirizaaku ekibonerezo kye ntegeike, abo ndibasaasira ng'omuzaire bw'asaasira omwana we omugonvu amugheereza.

Ab'e Roma 16:20

Kale ni Katonda ensimuko ey'emiraala gyaife, mangu inho aja kutyankirira Sitaani ghansi gh'ebigere byaimwe. Enkabi dha Musengwa waife Yesu Kurisito dhibenga n'imwe.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 14:20

Emizabbibu gyakunhirwa mu ikunhiro kuliya kw'ekibuga, mwavaamu omusaayi gwakuuluula ng'amagulu ag'embalaasi eyemereire gabuliramu, gwakuuluula kilo mita ng'ebikumi bisatu (300).