Malaki 3:16 - Baibuli Ekibono kya Katonda 2014

¹⁶ Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Malaki 3:16 ပူးပေါင်းရင်းမြစ်များ

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

2 Samueli 7:1

Agho Musengwa Katonda yaaleetera Daudi okutyama mu miraala mu kisaagaati kye eky'obwakyabazinga, era yaaleetera abazigu be abaali bamwezungulwire okulekera okumulumbanga.

1 Bakyabazinga 18:12

Aye naaba naakava gh'oli nti, ng'omwoyo gwa Musengwa Katonda gukutwala ye ntaidhi! Agho bwe nnaatuuka ni nkobera Ahabu, aye ate n'atasobola kukubona, aidha kundhita, ate nga nze omugheereza wo ndhisiisa ekitiisa mu Musengwa Katonda okuviira irala mu buto bwange.

1 Bakyabazinga 18:3

Kale Ahabu yaayeta Obadia eyali nga n'alabirira ekisaagaati kya kyabazinga. Obadia oyo yali ng'ata inho mu Musengwa Katonda ekitiisa,

2 Ebyomubyanda 6:7

Solomoni yaayongera okukoba ati: “Lata wange Daudi yali n'ekidhuubo eky'okuzimbira Musengwa Katonda, oyo Katonda wa Isiraeli eisinzizo.

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 104:33

Nze ndidha kwemberanga Musengwa Katonda oyo obulamu bwange bwonabwona; nga nkaali mulamu tija kulekera kwemba nhembo dhisaaka Katonda wange oyo.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Zabbuli 115:13

era aghenga n'abo boonaboona abamutya enkabi, abakologho n'abatali bakologho.

Zabbuli 119:63

Abo boonaboona abakutya n'ababa bakagwa bange, abo boonaboona abajiira ku mateeka go.

Zabbuli 139:4

Ni bwe kuba okwogera mba nkaali, nga wamanhie ira kye nja okukoba.

Zabbuli 147:11

aye asangaalira abo bamutya, abo abasuubirira mu kugonza kwe okutakoma.

Zabbuli 16:3

Abatuukirivu abali mu nsi balungi inho ebitaloodheka, era mbeesiimisa.

Zabbuli 20:7

Abalwani abandi beesigulira ku bigaali eby'omu lutalo, ate abandi ku mbalaasi, aye ife twesigulira ku maani ga Musengwa Katonda waife.

Zabbuli 33:18

Bona eno, Musengwa Katonda alabirira abo abamutya, era abo abasuubirira mu kugonza kwe okutakoma

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Zabbuli 56:8

Iwe oidhi nga bwendaazibwadaazibwa einho, n'amaziga ge naakalira ogaidhi. Byonabyona biri mu kitabo kyo.

Zabbuli 56:9

Ku lunaku lwe ndikusaba, oliiririzaayo abazigu bange einhuma; kuba ndidhi nti oli ku luuyi lwange.

Zabbuli 66:16

Imwe mwenamwena abatya Katonda mwidhe muwulire, ndidha kubakobera nze by'ankoleire.

Zabbuli 94:19

Buli lwemba n'ebineeraliikiriza, ongumya wandeetera okusangaala.

Okuvaayo 32:32

Aye ndi kukusaba obasonighe ekibi kyaibwe ekyo. Bw'oba nga toobasonighe, sasa eriina lyange mu kitabo kyo mw'oghandiika abantu bo.”

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 4:3

Kiisi muntu yeenayeena aliba ng'asigairegho mu Sioni, ng'alondeibwa okusigala nga mulamu mu Yerusalemu, alyetebwa mutukuvu.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 65:6

Bona, nze nasalagho era kyamala ira okughandiikibwa nga ndibabonereza. Ekyo tija kukisirikira naire. Bwenebwene ndibabonereza, naabeesasuulizaaku nga njiira ku bye baakola,

Yeremia 31:18

Mpulira ab'omu Isiraeli abalira nga banakughaire, bati, ‘Wo Musengwa Katonda, twalinga ng'oti n'ensolo edhitafugibwangaku, aye iwe waatwegeresa okukugondera. Ganha otwize y'oli, kuba niiwe Musengwa Katonda waife.

Yeremia 8:6

Nafaayo inho okubawulirisa, aye ghaabulagho ayogera ekituufu. Ghazira muntu yeeneniaku lwa bibi bye, n'akoba ati, ‘Kiki kino kye nkoze?’ Buli muntu agema bwa ngira ye, yaasimba busimbe ng'oti n'embalaasi eri kweyuna mu lutalo.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Luka 2:38

Mu kiseera kyene ekyo yaatuuka yeebaza Katonda, era yaayogera ku mwana oyo eri boonaboona abaali balindirira okununulwa kwa Yerusalemu.

Ebikolwa by'Abatume 1:13

Bwe bangira, baaniina mu kisenge ekya ghaigulu mwe baabanga: Petero ni Yoanne, Yakobo ni Anderea, Filipo ni Thomasi, Barutholomayo ni Matayo, Yakobo mutabane wa Alufaayo ni Simoni Omuzeloti, ni Yuda owa Yakobo.

Ebikolwa by'Abatume 10:2

Yali muntu wa idiini era nga mwene n'ab'omu maka ge baisa mu Katonda ekitiisa. Yaghanga abantu obuyambi kamaala era nga talekera kusaba Katonda.

Ebikolwa by'Abatume 2:1

Agho olunaku lwa Pentekote bwe lwatuuka, Abeegeresebwa boonaboona baali beesololeiza mu kifo kirala.

Ebikolwa by'Abatume 9:31

Agho Ekikunsu eky'Abaikiriza mu Kurisito eky'omu Buyudaaya mwonamwona, Galilaaya ni Samaria, kyaba miraala. Ekikunsu eky'Abaikiriza mu Kurisito kyakakata nga kiisa mu Musengwa ekitiisa, era kyagazigha nga Mwoyo Mutukuvu bw'akiyamba.

Ab'Efeso 5:19

Mu kughaya mukozesenga Zabbuli, n'enhembo, edhisaaka Katonda, nga mwembera Musengwa n'omwoyo mulala.

1 Ab'e Thessalonika 5:11

Agho ni buli muntu agumye mwine, era buli muntu abeereku mwine nga bwemukola buti.

1 Ab'e Thessalonika 5:14

Aboluganda, tubakubiriza okulabulanga abagayaavu, mugumyenga abatali bagumu mu myoyo, mubeerenga abanafu, era muguminkirizenga abantu boonaboona.

Abaheburayi 10:24

Tufengayo inho okukubiriza banaife mu kugonzania, n'okukola ebikalamu.

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.