Malaki 3:15 - Baibuli Ekibono kya Katonda 2014

¹⁵ Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

Malaki 3:15 ပူးပေါင်းရင်းမြစ်များ

Yobu 1:22

Mu ebyo byonabyona ebyagwagho, Yobu tiyayonoona, waire okunenia Katonda.

Yobu 12:6

Amaka ag'abanhazi gaba bukalamu, n'abo abasungughaza Katonda bazira kibatiisa; amaani gaibwe n'agafuuka katonda waibwe ye beesiga.”

Yobu 21:30

Ku lunaku Katonda lw'asungughala n'abonereza, omubi buliidho n'awonagho.

Yobu 22:23

Weewooye, okyuke oire eri Aghanga Ebintu Byonabyona, okomye agho ebibi byonabyona ebikolebwa mu ndhu yo.

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Zabbuli 106:14

Ate baidhamu amairu amabitirivu nga bali eyo mu irungu, baaleba Katonda nga bali eyo.

Zabbuli 141:4

Otanganha kwendanga kukola bibi, n'okumala ebiseera byange nga ndi kutwalirizibwa mu kukola ebibi ghalala n'abo abakozi b'ebibi. Era otanganha kweyimbanga mu bibinuko byaibwe.

Zabbuli 49:18

Waire nga yeebala okuba ow'enkabi ng'akaali mulamu, era waire ng'asaakibwa olw'ebintu okumujiira obukalamu,

Zabbuli 58:2

Busa! Mu myoyo gyaimwe muyiiya bwa ngeri ye munaakolamu ekikyamu, era imwe beene mukola ebikolwa eby'obukambwe ku nsi.

Zabbuli 73:12

Ababi batyo bwe bali, baba n'ebintu kamaala ate beeyongera okufuniraku ebindi.

Zabbuli 73:3

kuba bwe nabona ng'ababi ebintu bibajiira bukalamu, naabasaalirirwa olw'okwekuluntaza kwaibwe.

Zabbuli 78:18

Baaleba Katonda mu bugenderevu nga bamusaba emere olw'amairu gaibwe.

Zabbuli 78:41

Baamulebanga emikuzi kamaala, baamusonsoonia Oyo Omutukuvu wa Isiraeli.

Zabbuli 78:56

Aye baaleba Katonda era baamudheemera oyo Ali Ghaigulu Yeene baaloba kugondera biragiro bye,

Zabbuli 95:9

bandeba era bankemenkereza, waire nga baali bamaze okubona bye nabakolera.

Ensambo 12:12

Abantu ababi balowooza kukola bibi ekiseera kyonakyona, aye abatuufu basigala nga bagumu woonawoona ghe baba.

Omulangirizi 8:14

Ghaligho ekintu ekiziramu muganhulo ekibaagho ku nsi: abantu abatuufu okufuna ekibonerezo ekyandibaire eky'aboonooni, ate aboonooni ni bafuna empeera eyandibaire ey'abatuufu. Ekyo kyona kiziramu muganhulo.

Isaia 2:22

Muve ku kwesiganga abantu, kuba, okutoolaku omuuka ogw'omu nhindo gwe bagheera, kiki ekindi eky'omughendo kye bali nakyo?

Yeremia 7:10

Mpegaano mwidha mutya okwemerera mu maiso gange, mu isinzizo lino eryange lyene, mwakoba muti, ‘Tuli bukalamu’, nga kabiri mumala muja bwa mu maiso na kukola ebyenhinhalwa ebyo byonabyona?

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Danieli 6:16

Kale kyabazinga yaalagira batoole Danieli bamusuule mu kiina omwali empologoma. Kyabazinga yaakoba Danieli ati: “Katonda wo oyo y'ogheereza n'obwesigwa akuwonie!”

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Ebikolwa by'Abatume 12:21

Agho ku lunaku lwe baalagaana, Herode yaavaala ebivaalo bye eby'obwakyabazinga, yaatyama ku kityamo kye eky'obwakyabazinga, yaayogera y'abantu.

Ebikolwa by'Abatume 5:9

Petero yaamukoba ati: “Ekikoba mwaisania okuleba Mwoyo wa Musengwa? Oli kuwulira, abaziise balo bali ku mulyango, weena baidha kukutwala.”

1 Ab'e Korintho 10:9

Tulobenga kuleba Musengwa ng'abandi ku abo bwe baakola, emisota ni gibaita.

Abaheburayi 3:9

Eyo badhaadha baimwe bandeba era baabona bye nakola mu myaka amakumi ana (40).

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”