Malaki 3:13 - Baibuli Ekibono kya Katonda 2014

¹³ Musengwa Katonda Akoba ati: “Mwandhogeraku bubi inho. Aye ate mwamala mwabuuza muti, ‘Twakwogeraku tutya obubi?’

Malaki 3:13 ပူးပေါင်းရင်းမြစ်များ

Yobu 15:13

Ku lwaki osungughalira Katonda, n'oyogera ebibono ebiri bityo?

Yobu 40:8

Onaatuuka n'okuntwala okuba ng'asaliriza? Onaasalira nze omusango okunsinga, iwe oyetebwe omutuufu?

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 5:19

Bakoba bati: “Musengwa Katonda atere ayanguyeeku by'akola tusobole okubibona; Omutukuvu wa Isiraeli oyo akole mangu by'ategeka tusobole okubimanha.”

Yeremia 44:18

Aye okuvanga lwe twalekera okuniokeza obubbaani omusambwa Kyabazinga Omukazi ow'Eigulu ogwo, ni tulekera n'okugughanga ebigheebwayo ebifukibwa, ghazira ke tukaafunayo, n'abantu baife abandi bafiiriire mu ntalo, n'abandi baafa endhala.”

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 18:25

“Aye imwe mukoba muti, ‘Musengwa Katonda mu nkola ye tasala nsonga mu butuufu.’ Aye muwulire imwe ab'eighanga Isiraeli: Obwo bwenebwene nze mu nkola yange tisala nsonga mu butuufu? Nti katyo niimwe mutasala nsonga mu butuufu mu nkola dhaimwe!

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”

Hosea 7:16

Banvaaku baasinza omusambwa Baali, bali ng'oti kalaso akagodobanu akateesigika kuteeba. Abakulembeze baibwe balifiira mu ntalo olw'okwogera nga beesuuta. Era balisekererwa mu nsi Misiri.”

Malaki 2:14

Era mwebuuza muti: “Lwaki takaabisiima?” Ekituufu kiri nti takaabisiima, lwa kuba Musengwa Katonda oyo yali mudhulizi wa ndagaano ey'obufumbo ye mwakola ni bakazi baimwe be mwafumbirwa mu buvubuka bwaimwe. Aye buti timukaali beesigwa ye bali, ate nga ni banaimwe beene era bakazi baimwe ab'endagaano.

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 3:12

Olwo abantu b'omu maghanga goonagoona balibeetanga ab'enkabi, kuba ensi yaimwe eriba yeesiimisa okubaamu.”

Malaki 3:14

Mwakoba muti, ‘Kuba kudaagira bwereere okugheereza Katonda. Kigasa ki okugondera Musengwa Katonda oyo Afuga Amagye, n'okweyoleka y'ali nti tuli mu nnaku?

Malaki 3:8

Zeena ka mbabuuze nti: ‘Kiba kituufu omuntu okukupankupania ebintu bya Katonda?’ Aye ate imwe mukupankupania ebyange, era mwamala mwabuuza muti: ‘Tubikupankupania tutya?’ Mubikupankupaniza mu ebyo bye mwandighaireyo ng'ekintu ekirala ekirala ku buli bintu ikumi bye mufuna, era ni mu bigheebwayo ebindi, bye muloba okumpa.

Ab'e Roma 9:20

Aye iwe omuntu niiwe ani atakania Katonda? Ekiwumbe kisobola okukoba eyakiwumba kiti: “Lwaki wampumba oti?”

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.