Malaki 3:10 - Baibuli Ekibono kya Katonda 2014

¹⁰ Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Malaki 3:10 ပူးပေါင်းရင်းမြစ်များ

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 7:11

Mu mwaka ogwolukaaga (600) ogw'obulamu bwa Noa, mu mwezi ogwokubiri, ku lunaku olweikumi n'omusanvu olw'omwezi ogwo, enhindo dhoonadhoona edh'amaadhi ghansi mu itaka dhaasembuka, n'ebituli eby'oku igulu byaiguka.

2 Bakyabazinga 7:19

Aye omugheereza oyo yairamu Elisha ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

2 Bakyabazinga 7:2

Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

1 Ebyomubyanda 26:20

Abalevi abandi, nga n'omuli ni Ahiya, n'abaakuliranga eiterekero ly'eisinzizo n'amaterekero g'ebintu ebigheereibwayo okuba ebya Musengwa Katonda.

Nehemia 12:44

Ku lunaku olwo baataagho abantu ab'okulabiriranga amaterekero omwateebwanga ebigheebwayo eby'eisinzizo bino: ebirime ebisooka okukungulwa, n'ekintu ekirala ekirala ku buli bintu ikumi omuntu by'afuna. Era mu materekero omwo, mwe baasololezanga emigabo egyagheebwanga bakabona n'Abalevi okuva mu misiri egya buli kibuga, ng'Amateeka bwe galagira. Abayudaaya baakola batyo kuba baasanhukira inho ensambo bakabona n'Abalevi ye baagheerezangamu Katonda,

Nehemia 12:47

Era mu biseera bya Zerubbabeli ni mu bya Nehemia, Abaisiraeli boonaboona baaghangayo omugabo buli lunaku gwe baaghanga abembi n'abakuumi ab'emiryango. Era baaghangayo n'emigabo gy'Abalevi, ate Abalevi boona baayawulanga ku egyo, baaghaaku abaana ba Aaroni.

Nehemia 13:5

Kale yaaghaaku Tobia oyo ekisenge ekinene, mu kusooka kye baatangamu: ebigheebwayo eby'emere ey'empeke, n'obubbaani, n'ebintu ebikozesebwa mu isinzizo, n'ebigheebwayo eby'ekitundu ekirala ekirala ku buli bitundu eikumi omuntu bye yafunanga eky'engaano, n'omwenge ogw'emizabbibu, n'omuzigo ogw'ebibala eby'emiti emyoliva. Ebintu ebyo, kyabanga kya iteeka nga bali n'okubigha: Abalevi, n'abembi, n'abakuumi ab'emiryango, era nga bali n'okusoloza eby'okugha bakabona.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 78:23

Ng'ate yagha ekiragiro ghaigulu ku igulu, yaigulagho emiryango gy'eigulu

Omulangirizi 11:3

Ebire bwe biidhula amaadhi, bigafuka gaagwa ku nsi; n'omuti ghe gugwire, ghe gusigala gheene agho, ka ghabe ku luuyi olw'omukono omusaadha oba ku lw'omugooda, olw'e buvandhuba.

Ezekieli 34:26

“Ndibagha enkabi, era baabanga mu kiketezo ekyezungulwire olusozi lwange. Naabaleeteranga amaadhi amalungi okugwa mu biseera byago mwe bageetaagira.

Ezekieli 44:30

Ku bintu bye musooka okukungula byonabyona, ni ku bintu bye mughaayo ye ndi, mwidha kutoolangaku ebisinga bulungi bibenga bya bakabona. Era mwidha kubaleeteranga n'engaano ye munaasookanga okukanda, olwo enkabi dhibenga mu maka gaimwe.

Hosea 2:21

Mu biseera ebyo nze Musengwa Katonda, ndiwulira okusaba kw'abantu bange Abaisiraeli, naalagira eigulu lyagwisa ku nsi amaadhi.

Yoeli 2:19

Yairamu abantu be ati: “Bona eno, ndidha kubagha engaano, n'omwenge ogw'emizabbibu, n'omuzigo ogw'ebibala eby'emiti emyoliva, ebiidha okubaigusa. Era tikaabaleka kuba kivumo eri bamaghanga gandi.

Yoeli 2:24

Ebifo aghakubirwa engaano biriidhula engaano, n'ebikunhiro eby'omwenge ogw'emizabbibu byaidhula omwenge, era n'ebifo aghakamulirwa omuzigo ogw'ebibala eby'emiti emyoliva byona byaidhula omuzigo.

Abalevi 26:10

Munaalyanga ku bingi bye mwakungula eira, era munaabifulumyanga ku luya mughange okwingiza ebiyaaka ebikungwirwa.

Abalevi 26:3

“Bwe munaajiiranga ku mateeka gange, era ni mugondera ebiragiro byange,

Abalevi 27:30

“Ekitundu ekirala ekirala ku buli bitundu eikumi eby'ebirime ebikungulwa mu nsi, kya Musengwa Katonda, ka kibe kya nsigo oba eky'ebibala eby'emiti.

Haggai 2:19

Mperaano mu iterekero timukaalimu ngaano, era n'emizabbibu, n'emitiini, n'emikomamawanga, n'emiti emyoliva, bikaali kutaaku. Aye okuva n'olwaleero ndidha kubaghanga enkabi.”

Okubala 18:21

Era Musengwa Katonda yaakoba ati: “Abalevi mbaghaire ekintu kirala kirala ku buli bintu eikumi Abaisiraeli kye bampa, gube omugabo gwaibwe olw'okusasulira obugheereza bwe bakola mu Weema ey'Okwagaananirangamu ni Musengwa Katonda.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Amateeka Agokubiri 12:6

Eyo ye munaatwalanga ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebigheebwayo olw'okutuukiriza obweyamo, n'ebigheebwayo eby'ekyeyendere, n'ensolo dhaimwe edhizaalibwa mu luzaalo olusooka dhe mughaayo.

Amateeka Agokubiri 14:22

Musa yaakoba Abaisiraeli ati: “Mwidha kutoolangaku ekintu kirala kirala ku buli bintu ikumi ku birime bye mukungula mu nimiro dhaimwe.

Amateeka Agokubiri 14:29

Olwo Abalevi abazira mugabo gwa itaka lya nsikirano nga imwe bwe muli nagwo, n'abasenze, ni bamulekwa, ni banamwandu abali mu bibuga byaimwe, banaidhanga baafuna ku mere eyo, baalya baiguta olwo Musengwa Katonda waimwe aghange okubagha imwe enkabi mu byonabyona bye munaakolanga.”

Amateeka Agokubiri 28:12

Musengwa Katonda aidha kubaigulirangagho eiterekero lye ery'ebirungi, eigulu ligwisenga amaadhi mu nsi yaimwe mu biseera byago. Era aidha kubaghanga enkabi mu byonabyona bye munaakolanga, musobole okuwolanga amaghanga kamaala, aye nga imwe timugeewolwaku.