Malaki 2:9 - Baibuli Ekibono kya Katonda 2014

⁹ Kale zeena kyenviire ni mbaleetera okufuuka abanhoomebwa era abatakaalimu kanhagansi mu bantu boonaboona, kuba timukola bye mbalagira, era muboola mu bantu bange nga muli kubeegeresa.”

Malaki 2:9 ပူးပေါင်းရင်းမြစ်များ

1 Bakyabazinga 22:28

Agho Mikaia yaakoba ati: “Bw'oiranga obukalamu, nga koodhi Musengwa Katonda tayogereire mu nze.” Era yaayongeraku ati: “Imwe abantu mwenamwena, muwulire kye ndhogeire.”

Yobu 32:21

Tiidha kwekubira ku luuyi lw'ono oba olw'ole. Tiidha kubaaku ye nsuutiriza.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Ensambo 12:8

Omuntu ali n'amagezi abantu bamwogeraku bukalamu, aye ole ali n'ebirowoozo ebyakyama bamunhooma.

Ezekieli 13:21

N'ebitambaala byaimwe byona ndibikanula ku mitwe, natoola abantu bange mu buyinza bwaimwe, baawona okuyiigibwanga. Olwo mulimanha nga ninze Musengwa Katonda.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Nahumu 3:6

Ndidha kukusuulaku ebikaba, nkudhoogere irala, era nkufuule enseko dh'abalamu.

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.

Malaki 2:8

“Aye ate kabiri imwe bakabona mwava ku ngira entuufu, mwadaaliima. Mwaleetera abantu kamaala okukola ebibi, olw'ebyo bye mwegeresa, era mwamenha endagaano ye nakola n'imwe, baidhukulu ba Levi.

Luka 10:29

Aye ole olw'okwenda okulaga ati ky'abuuziiza kya makulu, yaakoba Yesu ati: “Muntu munange naani?”

Luka 11:42

“Aye mukagwireku Abafarisaayo! Mugha ekitundu kirala kirala ku buli bitundu ikumi ebya kakubansiri na buli isubi, aye mwaloba kufaayo ku kukolera bantu ebibagwaniire ni ku kugonza Katonda! Ate nga bino muteekwa okubikola, aye ni bire obutabireka.

Ab'e Galatia 2:6

Aye era abo abaaboneka ng'oti n'abakulu, oba bwenebwene bwe baali ekyo ku nze ti kya nsonga, kuba Katonda taboola mu bantu abakulu abo, nga bwe nkobye, mpaagho kiyaaka kye baanhongeraku.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.