Malaki 2:7 - Baibuli Ekibono kya Katonda 2014

⁷ kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Malaki 2:7 ပူးပေါင်းရင်းမြစ်များ

2 Bakyabazinga 16:11

Uria kabona yaazimba alutaari ng'ajiira ku ebyo byonabyona kyabazinga Ahazi bye yamugheereza ng'ali e Damasiko. Yaagikola atyo era yaagimaliriza nga kyabazinga Ahazi akaali kwira okuva e Damasiko.

2 Bakyabazinga 16:16

Uria kabona yaakola byonabyona nga kyabazinga Ahazi bwe yamulagira.

2 Ebyomubyanda 30:22

Hezekia yaasiima Abalevi abaayoleka obukugu mu kugheereza Musengwa Katonda. Yaayogera nabo ng'abaizaamu amaani. Kale abantu baamala enaku musanvu nga bali kulya ebyali ku kibinuko. Baaghaayo emisengo egy'okutabagana n'egy'okwebaza eri Musengwa Katonda, Katonda wa badhaadha baibwe.

2 Ebyomubyanda 31:4

Era yaalagira abantu ab'omu Yerusalemu okuleetanga omugabo ogw'okughanga bakabona, basobolenga okutuukiriza Amateeka ga Musengwa Katonda n'omwoyo mulala.

Ezera 7:10

Ezera yeefubirizanga inho okusoma Amateeka ga Musengwa Katonda, n'okugajiiraku, era n'okusomesa ebiragiro ebigalimu mu Isiraeli.

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Ensambo 5:2

olwo oidha kusalangagho ekigwaine okukolebwa, n'omunwa gwo gwogerenga eby'amagezi.

Omulangirizi 5:5

Omala galekayo okweyama, aye oteeyamye n'oloba kutuukiriza kye weeyama.

Isaia 42:19

Naani omutulu okusinga omugheereza wange? Oba naani eyasemba amatu okusinga omukwenda wange ye ntuma?

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Yeremia 15:19

Agho Musengwa Katonda yankoba ati: “Bw'onaira ye ndi, zeena ndidha kukwiza obe wange ompeerezenga. Bw'onaalekera okwogera ebiziramu makulu, n'oyogeranga eby'amakulu, oidha kwiramu okuba omulanzi wange. Abantu baidha kwidhanga y'oli, se ti iwe okujanga ye bali.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Ezekieli 22:26

Bakabona baamu baamenha amateeka gange. Tibaawulagho bintu bitukuvu na bitali bitukuvu, waire okwawulagho ebirongoofu n'ebitali birongoofu. Era tibakuza lunaku lwange lwa Sabbato, baaleetera abantu obutampa kitiisa.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

Danieli 11:33

Abakulembeze abagezi mu ighanga balyegeresa abantu kamaala baaba bategeevu, waire nga ghalibitagho ekiseera ng'abandi ku bakulembeze abo baitibwa mu ntalo, abandi baayokebwa omuliro baafa, abandi baatwalibwa mu bunhage, n'abandi baanhagibwaku ebyaibwe.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Abalevi 10:11

Era mwegeresenga Abaisiraeli amateeka goonagoona ge mbaghaire nga mbita mu Musa.”

Zefania 3:4

Abalanzi baamu baawaamu ensa era ba nkwe. Bakabona baamu boonoona ebintu ebitukuvu, era baafuulaniafuulania amateeka bafune bye benda.

Haggai 1:13

Haggai oyo yaakobera abantu obukwenda bwa Musengwa Katonda ati: “Musengwa Katonda akoba ati, ‘Ndidha kubanga ghalala n'imwe.’ ”

Zekaria 7:3

Era baabatuma n'okubuuza bakabona b'omu isinzizo lya Musengwa Katonda oyo Afuga Amagye aghalala n'abalanzi bati: “Tuje mu maiso n'okuliranga amaziga olw'okuzikirizibwa kw'eisinzizo, era nga tusiiba mu mwezi ogwokutaanu nga bwe tubairenga tukola mu myaka egyo gyonagyona egibiseegho?”

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Yoanne 13:20

Bwenebwene ka mbakobere: oyo yeenayeena asangaalira ye mba nga ntumye, aba asangaaliire nze. Ate oyo ansangaalira, aba asangaaliire oyo eyantuma.”

Yoanne 20:21

Kabiri Yesu yaabakoba ati: “Emiraala gibe n'imwe. Nga Lata bwe yantuma zeena mbatuma.”

Ebikolwa by'Abatume 16:17

Yaanonereza Paulo n'ife bw'ayasiikana ati: “Abantu bano bagheereza ba Katonda Ali Ghaigulu Yeene, abali kubakobera nga bwe mughanga okulokolebwa.”

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

Ab'e Galatia 4:14

Aye waire engeri omubiri gwange ye gwalimu yabakaluubiriza, timwannhooma oba okuneekanansa. Mwansangaalira ng'oti ndi malaika wa Katonda, kabiri oti ninze Kurisito Yesu mwene.

Amateeka Agokubiri 21:5

Ni bakabona Abalevi boona banaajanga, kuba abo Musengwa Katonda waimwe be yalondamu okumugheerezanga, n'okusabiranga abantu enkabi mu liina lye. Era abo n'abasalagho ensonga dh'abakaayana, n'abatuusagainiaku ebiwundu.

Amateeka Agokubiri 24:8

“Bwe munaalwalanga endwaire ey'ebigenge, mwidha kwegenderezanga okubona nga mutuukiriza byonabyona bakabona Abalevi bye babakoba. Bye nalagira bakabona abo bye mube mujiirengaku.

1 Ab'e Thessalonika 4:8

Kale, aloba bino aba talobye bya bantu buntu, aye aba alobye bya Katonda oyo abagha Mwoyo we Omutukuvu.

1 Samueli 2:17

Kale, ekibi eky'abaisuka abo kyaba kinene inho mu maiso ga Musengwa Katonda kuba ebigheebwayo eri Musengwa Katonda tibaabitangamu kinhagansi.