Malaki 2:17 - Baibuli Ekibono kya Katonda 2014

¹⁷ Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 2:17 ပူးပေါင်းရင်းမြစ်များ

Yobu 34:17

Bwenebwene ngoli Katonda takola bituufu, yandighanze okufuga? Osobola okusalira Katonda ow'amaani era omutuufu, omusango okumusinga?

Yobu 34:36

Yobu agwaine awozesebwe mu bwidhuvu buli kye yakola, kuba ayogera ng'oti n'abantu ababi.

Yobu 36:17

Aye mpegaano oli kubonerezebwa nga bw'ogwaniire, omusango gukusinze.

Yobu 9:24

Yaghaayo ensi mu mikono gy'ababi bagifuge. Aghemba ku maiso g'abalamuzi balobe kusala misango mu butuufu. Oba Katonda ti n'akola ebyo, kale naani?”

Omulangirizi 8:11

Olw'okuba ekibonerezo ekisalirwa omuntu akoze ekibi tibakigheeragho mangu, abantu kyebava beeyongerera irala okukola ebibi.

Isaia 1:14

Tyendera irala mbaga dha bibinuko byaimwe eby'Okuboneka kw'Omwezi, waire edh'ebibinuko byaimwe ebindi ebyalagirwa. Mbyesiniirwa inho, era nkooye okubiguminkiriza.

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 43:22

Musengwa Katonda akoba ati: “Aye imwe Abaisiraeli baidhukulu ba Yakobo, nze mwamala mwaneesinwa bwesinwe, mwaloba okunsinza.

Isaia 43:24

Timwaghaayooku mpiiya kungulira bubbaani buwunha kawoowo, waire okundhigusa n'amasavu g'ensolo dhaimwe. Aye mu kifo ky'okukola ebyo, mwantwika bwa mugugu gwa bibi byaimwe, mwankooya n'ebyonoono byaimwe.

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 17:15

Abantu bankoba bati: “Musengwa Katonda bye yatwesoomera okutukola biri gha? Ka bituukirire tubone!”

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Ezekieli 16:43

Olw'okuba tiwaidhukira bya mu buto bwo, aye waakolanga ebinsungughaza, kyendiva ni nkwesasuulizaaku. Kale lwaki ku bikolwa byo bire ebindi byonabyona ebyenhinhalwa, wayongerezaaku n'obwenzi?” Musengwa Katonda atyo bw'akobye.

Ezekieli 18:25

“Aye imwe mukoba muti, ‘Musengwa Katonda mu nkola ye tasala nsonga mu butuufu.’ Aye muwulire imwe ab'eighanga Isiraeli: Obwo bwenebwene nze mu nkola yange tisala nsonga mu butuufu? Nti katyo niimwe mutasala nsonga mu butuufu mu nkola dhaimwe!

Ezekieli 8:12

Katonda yankoba ati: “Iwe omuntu, oboine abakulembeze ab'eighanga lya Isiraeli bye bali kukola mu nzikiiza? Buli muntu ali kusinziza mu kisenge omuli ebifaananie. Bakoba bati, ‘Musengwa Katonda tatubona, era yalekulira agho ensi yaife.’ ”

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Amosi 2:13

“Kale ni bona eno, nja kubasiinhira ku itaka, mube ng'oti n'ekigaali ekighaluzibwa ekiidhwire engaano.

Zefania 1:12

“Mu kiseera ekyo nja kutoola entaala nje nga ndhagaaza mu Yerusalemu mwonamwona. Nja kubonereza abantu boonaboona abali obulungi abazira kibeeraliikiriza, abakoba mule bati, ‘Musengwa Katonda ghazira ky'aidha kukola, ka kibe ekirungi oba ekibi.’

Malaki 2:14

Era mwebuuza muti: “Lwaki takaabisiima?” Ekituufu kiri nti takaabisiima, lwa kuba Musengwa Katonda oyo yali mudhulizi wa ndagaano ey'obufumbo ye mwakola ni bakazi baimwe be mwafumbirwa mu buvubuka bwaimwe. Aye buti timukaali beesigwa ye bali, ate nga ni banaimwe beene era bakazi baimwe ab'endagaano.

Malaki 3:8

Zeena ka mbabuuze nti: ‘Kiba kituufu omuntu okukupankupania ebintu bya Katonda?’ Aye ate imwe mukupankupania ebyange, era mwamala mwabuuza muti: ‘Tubikupankupania tutya?’ Mubikupankupaniza mu ebyo bye mwandighaireyo ng'ekintu ekirala ekirala ku buli bintu ikumi bye mufuna, era ni mu bigheebwayo ebindi, bye muloba okumpa.

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.