Malaki 2:16 - Baibuli Ekibono kya Katonda 2014

¹⁶ Musengwa Katonda wa Isiraeli akoba ati: “Nkyagha ekikolwa eky'abafumbo okwawukana.” Era Musengwa Katonda oyo Afuga Amagye akoba ati: “Nkyagha ekikolwa ekyo eky'obukambwe eky'omusaadha okubinga mukazi we. Kale mwegenderezenga mulobe kubanga batali beesigwa.”

Malaki 2:16 ပူးပေါင်းရင်းမြစ်များ

Zabbuli 73:6

Kyova okwekuluntaza kwaibwe kuboneekerera ng'oti n'ebinhere eby'omu nkoto, n'ebikolwa byaibwe eby'obukambwe ni bibabwikirira ng'oti kivaalo.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Ensambo 5:20

Mwana wange, lwaki owaamu olw'omukazi omwenzi? Lwaki ota muka beene mu kifuba kyo?

Isaia 28:20

Muliba ng'oti n'omuntu asula ku buliri obumpi bw'atasobola kwegololeraku, era nga n'omwebwiko gwona mumpi, ogutasobola kumubunia.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 59:6

Aye enkwe dhaimwe tidhiribaviiramu kalungi. Dhiriba ng'oti lugoye olukoleibwa mu wuuzi dha nabumbuli, oluzira muganhulo naire.

Luka 16:18

“Buli muntu abinga mukazi we n'abayiza owundi aba ayenze, ate omuntu abayiza omukazi oyo iba y'abinze yeena aba ayenze.

1 Ab'e Korintho 7:10

Eri abafumbo, ndi n'ekiragiro, ekitali kyange, aye ekya Musengwa, ekiragira omukazi obutanobanga.