Malaki 2:15 - Baibuli Ekibono kya Katonda 2014

¹⁵ Katonda imwe tiyabatonda nga muli omwoyo mulala n'omubiri mulala ni bakazi baimwe? Yali na kigendererwa ki? Yayenda muzaale abaana abamutya. Kale mwegenderezenga ghalobe kubaagho atali mwesigwa eri mukazi we ow'omu buvubuka bwe.

Malaki 2:15 ပူးပေါင်းရင်းမြစ်များ

Amainhama 1:27

Agho Katonda yaatonda abantu mu mboneka ye yeene, yaatonda omusaadha n'omukazi.

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Amainhama 24:44

yeena n'aikiriza nankoba ati, ‘Gaago nhwa, era n'engamiya dho dhoona ka ndhisenere dhinhwe,’ nkusaba abe nga n'oyo iwe Musengwa Katonda y'olondeire omwana wa musengwa wange.”

Amainhama 27:46

Rebekka yaakoba Isaaka ati: “Obulamu bwange bwesiniirwa abakazi ba Esau Abahitti. Yakobo yeena bw'aba ow'okubayiza omukazi Omuhitti, nze mmala gafa.”

Amainhama 6:2

Abaana ab'omu igulu bwe baalinga bati ku baana abaghala abo ab'abantu, baabona nga balungi. Kale baababayiza nga bwebaayendanga.

Ezera 9:4

Agho abo boonaboona abaalumirwa ebyo Katonda wa Isiraeli bye yayogera ku kibi ekyo abo abaira okuva mu bunhage kye baakola, baidha baaneetooloola agho ghe nali ntyaime nga nsobeirwa inho mu nnaku. Baabaagho okutuusa ku kiseera eky'okughaayo ekigheebwayo ekyeigulo.

Nehemia 13:24

Nga buli mwana omulala ku baana baibwe ababiri, ayogera lulimi Olushidodi oba olulimi olundi, aye nga tibaidhi Luyudaaya.

Yobu 27:3

nga nkaali mulamu era nga nkaagheera omuuka Katonda mwene oyo gwe yampa,

Okuvaayo 20:14

“Mutayendanga.

Ensambo 2:17

Omukazi oyo aja yaava ku iba ye babaire naye okuva mu buto, era yeerabira endagaano ye baakola ye Katonda.

Ensambo 4:23

Weekuumenga inho by'odhuuba mu mwoyo gwo, kuba obulamu bwo bufugibwa ebyo ebikuli ku mwoyo.

Ensambo 6:25

Otamwegwanizanga mu mwoyo gwo olw'obulungi obw'emboneka ye, era otatwalirizibwanga lwa mmoga ye.

Ensambo 7:25

Mutaganhanga mukazi oti n'oyo kuwungula myoyo gyaimwe, era mutajiiranga ku mpisa dhe.

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Abalevi 20:10

“Omusaadha bw'anaabanga ni muka musaadha mwine mu buliri, abenzi bombi, omusaadha oyo n'omukazi, banaitibwanga.

Malaki 2:14

Era mwebuuza muti: “Lwaki takaabisiima?” Ekituufu kiri nti takaabisiima, lwa kuba Musengwa Katonda oyo yali mudhulizi wa ndagaano ey'obufumbo ye mwakola ni bakazi baimwe be mwafumbirwa mu buvubuka bwaimwe. Aye buti timukaali beesigwa ye bali, ate nga ni banaimwe beene era bakazi baimwe ab'endagaano.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Yoanne 20:22

Bwe yamala okubakoba ekyo yaabafuuwaku omuuka yaabakoba ati: “Mufune Mwoyo Mutukuvu.

Ebikolwa by'Abatume 3:25

Niimwe abaana ab'abalanzi era ab'endagaano Katonda ye yakola ni badhaadha baife ng'ekoba Aburahamu eti ‘Mu izaire lyo amaghanga goonagoona mwe galifunira enkabi.’

1 Ab'e Korintho 7:14

Omusaadha atali mwikiriza aba muntu wa Katonda ku lwa mukazi we, ate omukazi atali mwikiriza yeena yaaba muntu wa Katonda ku lwa iba. Nguli tikyali kityo abaana baibwe bandibairenga ng'abataidhi Katonda. Aye nga bwekiri kityo, boona baba bantu ba Katonda.

1 Ab'e Korintho 7:2

Aye olw'okweghala obwenzi, buli musaadha abenga n'omukazi we, ate buli mukazi abenga n'iba.

2 Ab'e Korintho 6:18

Ndiba lata waimwe, era mwena muliba batabane bange ni baghala bange. Atyo Musengwa Aghanga Ebintu Byonabyona bw'akoba.”

Ab'Efeso 6:4

Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

Amateeka Agokubiri 7:4

Bwe mulikikola, olwo abantu abo baliba nga baghanga okukyusa abaana baimwe baabatoola ku Musengwa Katonda, baasinza bakatonda abandi. Olwo obusungu bwa Musengwa Katonda bulibatumbukiraku ng'oti muliro, yaabazikiriza mu kaseera buseera.

Tito 1:6

Oyo y'olonda ateekwa okuba ng'aziraku ky'anenezebwa era ng'ali n'omukazi mulala yenka. Abaana be bateekwa kuba abaikiriza mu Kurisito, era nga tibabalirwa mu balalulalu waire mu badheemu.

Ruthi 4:12

N'abaana Musengwa Katonda baaja okukugheera mu mughala oyo bagwananga baaleetera amaka go okwegombebwa ng'aga Perezi mutabane wa Yuda ye yazaala mu Tamari.”

1 Samueli 2:20

Eli yaasabiranga Elukana ni mukazi we ng'akoba ati: “Musengwa Katonda akughe abaana abandi olw'oyo ye waghaayo ye Musengwa Katonda.” Bwe baamalanga nga bairayo ewaibwe.