Malaki 2:14 - Baibuli Ekibono kya Katonda 2014

¹⁴ Era mwebuuza muti: “Lwaki takaabisiima?” Ekituufu kiri nti takaabisiima, lwa kuba Musengwa Katonda oyo yali mudhulizi wa ndagaano ey'obufumbo ye mwakola ni bakazi baimwe be mwafumbirwa mu buvubuka bwaimwe. Aye buti timukaali beesigwa ye bali, ate nga ni banaimwe beene era bakazi baimwe ab'endagaano.

Malaki 2:14 ပူးပေါင်းရင်းမြစ်များ

Amainhama 2:18

Musengwa Katonda yaakoba ati: “Ti kirungi omuntu okubanga yenka. Ndidha kumukolerayo omubeezi amugwanira.”

Amainhama 31:50

Bw'onaadaazadaazanga baghala bange oba n'obayiza abakazi abandi, waire tighaliba muntu wundi ali n'ife, idhukira nga Katonda n'omudhulizi ghagati wo ninze.”

Ensambo 2:17

Omukazi oyo aja yaava ku iba ye babaire naye okuva mu buto, era yeerabira endagaano ye baakola ye Katonda.

Ensambo 30:20

Eno n'enkola ey'omukazi omwenzi: bw'amala okwenda anaaba yeenhiriza, era yaakoba mule ati: ‘Ghazira kibi kye nkoze.’

Ensambo 5:20

Mwana wange, lwaki owaamu olw'omukazi omwenzi? Lwaki ota muka beene mu kifuba kyo?

Omulangirizi 9:9

Sanhukiranga mu bulamu buno ni mukazi wo y'ogonza, enaku dhoonadhoona edh'obulamu bwo buno obuziramu muganhulo. Ogwo n'omugabo gwo Katonda gw'akugha mu kufaabiikana kwo ku nsi.

Olwembo 1:15

Ng'oboneka bulungi iwe omugonzi wange! Bwenebwene oboneka bulungi. Amaiso go malungi ng'oti njiibwa.

Isaia 54:6

Isiraeli, oli ng'oti n'omukazi omufumbo akaali omuto, iba ye yabayiza, ate n'amala n'amuvaaku n'amulekulira agho mu nnaku; era oli ng'oti n'omukazi iba ye yabinga n'asigala nga munakughavu. Aye mpegaano Musengwa Katonda akweta oire y'ali, ng'akoba ati:

Isaia 58:3

“Baja baabuuza bati, ‘Lwaki tusiiba ng'ate Musengwa Katonda tafaayo? Era lwaki twebonereza aye n'atatufaaku naire?’ “Nze Musengwa Katonda naabairamu nti, ‘Mubone eno, ku lunaku lwe musiibiraku, muba muli kwenooneza bibasanhusa imwe beene. Era mutuntuza n'abakozi baimwe.

Yeremia 29:23

Ebyo n'ebiribatuukaku kuba beereetaku omusango bwe baakola ebibi ebitakobeka mu Isiraeli. Baayenda ku baka banaibwe, era baayogera eby'obuguya nga bakozesa eriina lya Musengwa Katonda, ate nga Musengwa Katonda oyo tabatumangaku kubyogera. Musengwa Katonda mwene oyo aidhi bye baakola era mwene n'omudhulizi abalumiriza. Musengwa Katonda mwene, n'akobye.”

Yeremia 42:5

Agho bankoba bati: “Musengwa Katonda mwene n'ab'abe omudhulizi omutuufu era ow'amazima atulumiriza omusango, bwe tulobanga okugondera ebiragiro byonabyona Musengwa Katonda waife oyo by'anaakutuma okutukobera.

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Yeremia 9:2

Nguli ndi n'ekifo mu irungu mwe nsobola okuba, nandiviire mu bantu bange naaja naaba eyo; kuba boonaboona ti beesigwa naire, baafuuka kikuukuulu kya bantu ba nkwe.

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Mika 1:2

Abantu mwenamwena ab'amaghanga muwulirise; imwe mwenamwena ababa ku nsi mutege kutu. Muwulire! Musengwa Katonda aja kwogerera mu isinzizo lye ery'omu igulu. Aja kubaghaaku obudhulizi obunaabalumiriza.

Malaki 2:15

Katonda imwe tiyabatonda nga muli omwoyo mulala n'omubiri mulala ni bakazi baimwe? Yali na kigendererwa ki? Yayenda muzaale abaana abamutya. Kale mwegenderezenga ghalobe kubaagho atali mwesigwa eri mukazi we ow'omu buvubuka bwe.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Malaki 3:8

Zeena ka mbabuuze nti: ‘Kiba kituufu omuntu okukupankupania ebintu bya Katonda?’ Aye ate imwe mukupankupania ebyange, era mwamala mwabuuza muti: ‘Tubikupankupania tutya?’ Mubikupankupaniza mu ebyo bye mwandighaireyo ng'ekintu ekirala ekirala ku buli bintu ikumi bye mufuna, era ni mu bigheebwayo ebindi, bye muloba okumpa.

Abalamuzi 11:10

Bale bairamu bati: “Twikiriiza. Musengwa Katonda n'omudhulizi waife.”

1 Samueli 12:5

Samueli yaabakoba ati: “Musengwa Katonda ghalala ni kyabazinga ye yasiiga omuzigo, n'abadhulizi ababalumiriza imwe, okukakasa nga nziraku kye nvunaanibwa.” Bairamu bati: “Yii, Musengwa Katonda n'omudhulizi.”