Malaki 2:11 - Baibuli Ekibono kya Katonda 2014

¹¹ Abantu b'omu Buyudaaya tibabaire beesigwa ye Katonda naire. Bakoze ebyenhinhalwa mu Yerusalemu, ni mu nsi Isiraeli yoonayoona. Bafumbiirwa abakazi abasinza bakatonda ab'amaghanga agandi. Mu nsambo eyo baayonoona obutukuvu bw'eisinzizo lya Musengwa Katonda ly'agonza.

Malaki 2:11 ပူးပေါင်းရင်းမြစ်များ

Ezera 10:2

Agho Shekania mutabane wa Yehieli owundi ku batabane ba Elamu yaakoba Ezera ati: “Tusungughaiza inho Katonda waife, olw'okubayiza abakazi abamaghanga agandi agali mu nsi eno. Aye waire ebyo biri bityo, Isiraeli ekaaliyo n'eisuubi.

Ezera 9:12

Mbeeni mutaganhanga baghala baimwe kubayira batabane baibwe, waire okuganha batabane baimwe okubayiza baghala baibwe. Era mutabendezanga miraala oba okukulankulana, olwo musobole okuba ab'amaani n'okulya ebirungi eby'ensi eyo era mugirekere abaana baimwe ng'obusika bwaibwe obw'olubeerera.’

Zabbuli 106:28

Agho beeyimba n'abantu mu kusinza omusambwa Baali ogw'e Peori, era baalya ku misengo egigheebwayo eri ebintu ebiziramu na bulamu.

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Yeremia 7:10

Mpegaano mwidha mutya okwemerera mu maiso gange, mu isinzizo lino eryange lyene, mwakoba muti, ‘Tuli bukalamu’, nga kabiri mumala muja bwa mu maiso na kukola ebyenhinhalwa ebyo byonabyona?

Ezekieli 18:13

era yaawola omuntu lwa kumufunaku magoba olwo mwene yeeyongere okuba omukombe. Bwenebwene omuntu oyo agwaniire okuba omulamu? Busa naire, tibalimulekagho nga mulamu. Alifa olw'okukola ebyenhinhalwa ebyo byonabyona, era aliba nga ni mwene eyeereeteire okufa.

Ezekieli 22:11

Mu iwe mulimu abenda ku baka beene, mwabaamu abenda ku baka batabane baibwe, n'abenda ku baanhinaibwe abaana ba baiseibwe.

Hosea 6:7

“Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Abalevi 20:26

Mubenga batukuvu, era nga muli bange zenka, kuba nze Musengwa ndi mutukuvu era nabaawula ku maghanga agandi, mughange okuba abange zenka.

Malaki 1:1

Buno n'obukwenda Musengwa Katonda bwe yagha Malaki okutwalira Abaisiraeli.

Amateeka Agokubiri 14:2

Imwe muli ighanga itukuvu erya Musengwa Katonda waimwe. Yabalondamu okuba eighanga erirye ku bubwe mu maghanga agandi goonagoona agali ku nsi.”

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Abalamuzi 3:6

Agho baafumbirwanga abakazi okuva mu bantu abo, era baaghangayo baghala baibwe okufumbirwa mu bantu abo. Era baasinzanga emisambwa egy'abantu abo.