Malaki 2:10 - Baibuli Ekibono kya Katonda 2014

¹⁰ Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Malaki 2:10 ပူးပေါင်းရင်းမြစ်များ

Nehemia 13:29

Agho naasaba nti: “Wo Katonda wange, oteerabiranga ngeri ye boonoinemu obwakabona, ni basuula n'ere endagaano ye baakola ey'obwakabona n'Obulevi.”

Yobu 31:15

Eyatonda nze mu nda ya maama, era ti n'eyatonda n'omwiru oyo? Ti n'omulala oyo eyatuwumba mu nda twembi?

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Okuvaayo 19:4

‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Okuvaayo 19:5

Kale ni, bwe munaagonderanga bye mbakoba, ni mukuuma endagaano yange, mwidha kubanga bantu bange ab'endhawulo ku bantu bange abandi boonaboona. Ensi yoonayoona yange, aye imwe munaabanga bantu bange abalondemu.

Okuvaayo 24:3

Agho Musa yaaja yaakobera abantu ebyo byonabyona Musengwa Katonda bye yamukoba era n'ebiragiro. Era abantu boonaboona bairamu n'omwoyo mulala bati: “Ebyo byonabyona Musengwa Katonda by'atukobye twidha kubikola.”

Okuvaayo 24:7

Agho yaatoola ekitabo eky'endagaano yaakisoma ng'abantu boonaboona bawulira, era baakoba bati: “Ebyo byonabyona Musengwa Katonda by'atukobye okukola twidha kubikola, era twidha kumugonderanga.”

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 43:15

Ninze Musengwa Katonda Omutukuvu waimwe, Omutonzi wa Isiraeli era Kyabazinga waimwe.”

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 44:2

Mulobe kutya, kuba muli bagheereza bange, era abantu bange be nalondamu, be ngonza. Nze ninze Musengwa Katonda eyabatonda ni mbata mu nda dha bainhaimwe, era ndidha kubayambanga.

Isaia 51:2

Mulowooze ku Aburahamu ni Sara, badhaadha baimwe abo imwe mwe mwasimuka. Ghe nayetera Aburahamu oyo yali aziraku mwana, naamugha enkabi yaazaala abaana, naamuleetera okuba n'abaidhukulu kamaala.

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Ezekieli 33:24

“Iwe omuntu bona eno, abantu abali mu bifo ebyayonoonebwa mu nsi Isiraeli bakoba bati, ‘Oba nga Aburahamu yali muntu mulala yenka aye yaagheebwa ensi eno yoonayoona, kale ife abangi tuti eteekwa okuba nga yatugheebwa ebe yaife.’

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Malaki 2:11

Abantu b'omu Buyudaaya tibabaire beesigwa ye Katonda naire. Bakoze ebyenhinhalwa mu Yerusalemu, ni mu nsi Isiraeli yoonayoona. Bafumbiirwa abakazi abasinza bakatonda ab'amaghanga agandi. Mu nsambo eyo baayonoona obutukuvu bw'eisinzizo lya Musengwa Katonda ly'agonza.

Malaki 2:8

“Aye ate kabiri imwe bakabona mwava ku ngira entuufu, mwadaaliima. Mwaleetera abantu kamaala okukola ebibi, olw'ebyo bye mwegeresa, era mwamenha endagaano ye nakola n'imwe, baidhukulu ba Levi.

Matayo 10:21

“Omuntu alighaayo muganda we okwitibwa ate omuzaire yaaghaayo omwana we, n'abaana balidheemera abazaire era baabaita.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!

Luka 1:73

Ekirayiro kye yalayirira Aburahamu dhaadha waife okukituukiriza mu ife.

Luka 3:8

Agho ni, mwanie ebibala ebigwaniire okwenenia, era mutatoolera na kukoba mule muti, ‘Tuli ni iseife Aburahamu.’ Kuba ka mbakobere mu mabaale gano, Katonda aghanga okufuniramu Aburahamu abaana!

Yoanne 8:39

Baamwiramu bati: “Lata waife ni Aburahamu.” Yesu yaabakoba ati: “Nguli bwenebwene mwali baana ba Aburahamu mwandibaire mukola ebyo Aburahamu bye yakolanga.

Yoanne 8:41

Mukola bikolwa bya lata waimwe.” Baamukoba bati: “Ife tituli baghambule, tuli ni lata waife mulala ni Katonda mwene.”

Yoanne 8:53

Niiwe osinga lata waife Aburahamu eyafa era n'abalanzi boona baafa? Weeyeta ki?”

Yoanne 8:56

Lata waimwe Aburahamu yeesumba okubona ebiseera by'okwidha kwange. Yabibona era yaasangaala.”

Ebikolwa by'Abatume 17:24

Katonda eyakola ensi n'ebigirimu byonabyona, oyo ni Musengwa w'eigulu n'ensi era oyo taba mu masabo gazimbibwa bantu.

Ebikolwa by'Abatume 17:25

Era oyo ghazira kye yeetaaga bantu kumukolera, kuba oyo n'abagha obulamu na buli kintu.

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Ebikolwa by'Abatume 7:2

Sitefano yaakoba ati: “Balata ni baganda bange mumpulirise. Katonda ow'ekitiisa yabonekera dhaadha waife Aburahamu bwe yali mu Mesopotamia ng'akaali kuja kuba mu Harani,

Ebikolwa by'Abatume 7:26

Olunaku olwairirira, yaabona Abaisiraeli babiri nga balwana, yaagezaaku okubagaya ng'akoba ati, ‘Muli baluganda, ekibalwania ni ki.’

Ab'e Roma 4:1

Kale tunaakoba ki ku dhaadha waife Aburahamu? Kiki kye tumwegeraku?

Ab'e Roma 9:10

Era ti n'ekyo kyonka, kuba abaana ba Rebekka bombi, baali ni Iseibwe mulala, Isaaka dhaadha waife.

1 Ab'e Korintho 8:6

ife tuli ni Katonda mulala, Lata, eyatonda ebintu byonabyona, era tuligho ku lw'oyo. Era ghaligho Musengwa mulala, Yesu Kurisito, ebintu byonabyona mwe byabita okutondebwa, era mwe tubita okuba abalamu.

Ab'Efeso 4:25

Agho ni mulekere okuguya buli muntu akobere mwine amazima, kuba tuli bitundu bya mubiri mulala.

Ab'Efeso 4:6

Katonda mulala, Lata w'abantu boonaboona, afuga byonabyona, akolera mu byonabyona, era aba mu byonabyona.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?

Yoshua 24:3

Agho naatoola Aburahamu eyo ye yali ng'osomoike omwiga Eufurate, naamubisa mu kiketezo eky'e Kanaani kyonakyona, naamugha Isaaka n'abaidhukulu kamaala.