Malaki 1:9 - Baibuli Ekibono kya Katonda 2014

⁹ Imwe bakabona, ni bwemweghemba einho Katonda atugemerwe ekivunika, aye nga mumugheereiza ekigheebwayo ng'oti n'ekyo, ghaligho y'anaasiimaku ku imwe waire omulala ati?

Malaki 1:9 ပူးပေါင်းရင်းမြစ်များ

2 Ebyomubyanda 30:27

Agho bakabona n'Abalevi baasituka, baasabira abantu enkabi. Katonda yaawulira amamiro gaibwe, yaasiima okusaba kwaibwe mu kifo kye ekitukuvu y'aba mu igulu.

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 27:18

Bwe baba nga bwenebwene balanzi, era nga bali n'obukwenda obuva ye ndi, kale bansabe nze Musengwa Katonda Afuga Amagye, ndobe kuganha bintu ebyasigala mu isinzizo ni mu kisaagaati kya kyabazinga kutwalibwa Babilonia.”

Okulira 2:19

Muzuuke obwire emikuzi egigheraku mulirire Musengwa! Mumukobere ebibali ku mwoyo byonabyona ng'awulira. Mughanike amakono mugoolekeze Musengwa Katonda, nga musabira abaana baimwe abali kulambukira endhala ku nguudo dh'ekibuga.

Yoeli 2:12

Musengwa Katonda akoba ati: “Ni bweriba mperaano, kwona mwenenie bya bwenebwene. Mwire ye ndi nga musiiba era nga mulira amaziga.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Yoanne 9:31

Twidhi tuti Katonda tawulira bakozi ba bibi, aye awulira oyo amutaamu ekinhagansi era akola by'ayenda.

Ab'e Roma 2:11

kuba Katonda taboola bantu.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.