Malaki 1:6 - Baibuli Ekibono kya Katonda 2014

⁶ Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Malaki 1:6 ပူးပေါင်းရင်းမြစ်များ

Zabbuli 123:2

Ng'omugheereza omusaadha bw'alingirira ku musengwa we omusaadha, n'omugheereza omukazi n'alingirira ku musengwa we omukazi, twena tutyo bwe tulingirira ku Musengwa Katonda, oyo Katonda waife, okutuusa lw'alitugemerwa ekivunika.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Ensambo 17:6

Abakaire badhuga olw'okuba n'abaidhukulu, n'abaana beenhumiririza mu bazaire baibwe.

Ensambo 30:11

Ghaligho abantu abakolimira baiseibwe, era abatasabira bainhaibwe nkabi.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 43:23

Timwandeetera ntaama dhaimwe ng'ebigheebwayo ebyokebwa, waire okuntaamu ekitiisa nga mumpa emisengo. Nze tibakaluubirizangaku nga mbasaba ebigheebwayo, waire okubakooya nga mbapikiriza okumpa obubbaani obw'okuuniokeza.

Isaia 45:10

Akagwireku oyo akoba lata we n'inhina ati: “Ku lwaki mwanzaala?”

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 64:8

Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Yeremia 23:11

Musengwa Katonda era akoba ati: “Abalanzi ni bakabona tibatya Katonda era nabaagaana nga bakola ebibi ni mu isinzizo mwene.

Yeremia 3:4

Mpegaano muva kunkoba mbu, ‘Niiwe iseife eyatugonza okuva obuto.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Yeremia 35:16

Baidhukulu ba Yonadabu mutabane wa Rekabu baagondera ekiragiro dhaadha waibwe kye yabagha, aye abantu imwe mwadheema okukola bye mbalagira.

Ezekieli 22:26

Bakabona baamu baamenha amateeka gange. Tibaawulagho bintu bitukuvu na bitali bitukuvu, waire okwawulagho ebirongoofu n'ebitali birongoofu. Era tibakuza lunaku lwange lwa Sabbato, baaleetera abantu obutampa kitiisa.

Hosea 12:8

Bakoba bati, ‘Tuli bakombe, era ebintu ebingi bye tuli nabyo, ghazira asobola kutulumiriza ati twabifuna mu kukupankupania.’

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Zefania 3:4

Abalanzi baamu baawaamu ensa era ba nkwe. Bakabona baamu boonoona ebintu ebitukuvu, era baafuulaniafuulania amateeka bafune bye benda.

Malaki 2:1

Musengwa Katonda Afuga Amagye akoba ati: “Imwe bakabona, kino ekiragiro kyaimwe:

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Malaki 2:8

“Aye ate kabiri imwe bakabona mwava ku ngira entuufu, mwadaaliima. Mwaleetera abantu kamaala okukola ebibi, olw'ebyo bye mwegeresa, era mwamenha endagaano ye nakola n'imwe, baidhukulu ba Levi.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 15:4

Ate nga Katonda yakoba ati, ‘Lata wo ni inhoko obatangamu ekitiisa,’ era ati, ‘Oyo avuma Ise oba inhina aitibwenga bwitibwe.’

Matayo 15:6

aba takeetaaga kuta kitiisa mu Ise.’ Mu ngeri eyo ekibono kya Katonda mwakidibya olw'empisa ya badhaadha baimwe.

Matayo 19:19

lata wo n'inhoko obaghanga ekitiisa, era ogonzanga mwino nga bwe weegonza mwene.”

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Matayo 7:21

“Buli muntu andheta ati: ‘Musengwa, Musengwa’, ti n'alingira mu Bwakyabazinga obw'omu igulu, aye oyo akola Lata wange ali mu igulu ky'ayenda.

Mariko 10:19

Ebiragiro obiidhi: ‘Toitanga, toyendanga, toibanga, toghaayirizanga, tokupankupanianga, lata wo n'inhoko obaghanga ekitiisa.’ ”

Mariko 7:10

Kuba Musa yakoba ati, ‘Lata wo ni inhoko obatangamu ekitiisa’, era ati, ‘Oyo avuma ise oba inhina aitibwenga bwitibwe.’

Luka 10:29

Aye ole olw'okwenda okulaga ati ky'abuuziiza kya makulu, yaakoba Yesu ati: “Muntu munange naani?”

Luka 18:20

Oidhi ebiragiro: ‘Toyendanga, toitanga, toibanga, toghaayirizanga. Lata wo n'inhoko obaghanga ekitiisa.’ ”

Luka 6:36

Mubenga ba kisa nga Lata waimwe bw'ali ow'ekisa.

Luka 6:46

“Lwaki mundheta Musengwa, Musengwa, ng'ate timukola bye nkoba?

Ab'Efeso 6:2

“Lata wo n'inhoko obatangamu ekinhagansi.” Kino n'ekiragiro ekisooka ekirimu ekisuubizo ekikoba kiti:

Amateeka Agokubiri 1:31

ni mu irungu. Mu lugendo lwonalwona lwe mwatambula nga muli eyo mu irungu okutuusa lwe mwatuuka mu kifo kino, mwabona Musengwa Katonda waimwe nga bweyababbeeda, ng'oti n'omuntu bw'abbeeda omwana we.’

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?

Amateeka Agokubiri 5:16

“ ‘Mughenga balata baimwe ni bainhaimwe ekitiibwa, nga nze Musengwa Katonda waimwe bwe mbalagira, olwo mughange okubanga obukalamu era mughangaalire mu nsi ye ndi kubagha.

1 Petero 1:17

Katonda mumweta Lata nga musaba era tasaliriza bw'asalira omuntu yeenayeena omusango, ajiira ku ebyo kiisi muntu by'akola. Kale ni mumutyenga enaku dhoonadhoona edh'obulamu bwaimwe nga muli mu nsi eno etali yaimwe.