Malaki 1:3 - Baibuli Ekibono kya Katonda 2014

³ Aye nze ngonza Yakobo, ate naakyagha Esau. Era ekiketezo kya Esau eky'oku nsozi nakifuula bifulukwa byereere, ensi eyo eyiye naagirekera bwa bibe bya mu irungu.”

Malaki 1:3 ပူးပေါင်းရင်းမြစ်များ

Amainhama 25:23

Musengwa Katonda yaamukoba ati: “Amaghanga abiri gali mu nda yo; olizaala ebika bibiri ebyawukaine. Ekindi kinaasinzanga kiinaakyo amaani; omukulu n'anaagheerezanga omuto.”

Isaia 35:7

Omusenho ogwokya gulifuukamu nhandha, n'eitaka eikalu ery'olubbalangu lyafuuka nsulo dha maadhi. Ekifo ebibe mwe byabanga, mulimeramu isubi na bitoogo.

Yeremia 49:10

Aye nze baidhukulu ba Esau mbatoireku buli kantu baasigala bwereere. Era mbwikwire ebifo bye beegisaamu, baaba nga tibakaasobola kwegisa. Abantu boonaboona ab'omu Edomu bazikiriziibwa, tighakaaligho muntu waire mulala ati asigairegho.

Yeremia 49:20

Kale ni muwulire kye ntegeike okukola abantu b'omu Edomu, akabi ke neesoomeire okutuusa ku bantu b'omu kibuga Temani. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 49:33

Hazori kija kufuulibwa irungu ebyanda n'ebyanda, era kibe ekifo omuba obw'ebibe. Abantu tibaliiramu kusengayo. Tighaliba muntu alibangayo kabiri. Nze Musengwa Katonda, ninze nkobye.”

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Yeremia 49:8

Imwe abantu ab'e Dedani, mukyuke mulumuke, muje mwegise! Nja kuzikiriza baidhukulu ba Esau, kuba ekiseera kituuse eky'okubabonereza.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 4:22

Imwe ab'omu Sioni ekibonerezo kyaimwe olw'okwonoona kiwoire, Musengwa Katonda takaayongera kubakuumira mu bunhage. Aye imwe Abaedomu, Musengwa aja kwoleka okwonoona kwaimwe era ababonereze.

Ezekieli 36:7

Era nze Musengwa Katonda neerayiriire nti amaghanga geene agaliinainegho, n'agalivumibwa.

Ezekieli 36:9

Nze ndi ku luuyi lwaimwe, era nja kubona nti mulimwaku enimiro, era dhaasigibwamu ensigo.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Obadia 1:10

“Edomu, oidha kuzikirizibwa era onhoomebwenga ebyanda n'ebyanda; kuba wanhaga ebintu eby'aboluganda bo, ab'enda ya Yakobo, era waabaita.

Luka 14:26

“Omuntu yeenayeena bw'aidha ye ndi memale n'atakyagha ise, n'inhina, ni mukazi we, n'abaana be, ni baganda be, ni baanhina ate era n'obulamu bwe mwene, taghanga kuba mwegeresebwa wange.