Malaki 1:13 - Baibuli Ekibono kya Katonda 2014

¹³ Mukoba muti, ‘Bino nga tubikooye’, era mwaneesimooza. Mwaleeta ensolo dhe munhaze obunhage, oba enema, oba endwaire, mwadhighaayo ye ndi ng'ebigheebwayo byaimwe. Olwo mulowooza muti nze Musengwa Katonda nsobola okusiima ebigheebwayo ng'oti n'ebyo, ebiva mu ngalo dhaimwe?

Malaki 1:13 ပူးပေါင်းရင်းမြစ်များ

2 Samueli 24:24

Aye kyabazinga yaakoba Arauna ati: “Busa toidha kubimpa bughe, aye ndidha kubigula omughendo ogubijaamu. Tiidha kughaayo kigheebwayo kyokebwa eri Musengwa Katonda wange kye ntaguze na mughendo kuva mu nsawo yange.” Kale Daudi yaagula ekifo aghakubirwa engaano n'ente dhaaku ebitundu amakumi ataanu ebya feeza.

Isaia 1:12

Naani eyabakoba okwidhanga mu maiso gange, ni mutyankirira empya dh'eisinzizo lyange?

Isaia 57:6

Mutoola eyo amabaale amaseene obukalamu mwagasinza ng'oti bakatonda. Mugafukira ebigheebwayo eby'okunhwa era mwagaleetera ebigheebwayo eby'emere ey'empeke. Mulowooza muti munampooyawooya nga mukola ebyo?

Isaia 61:8

Musengwa Katonda akoba ati: “Nze nhenda abo abakola amazima, aye nkyagha abo abanhazi n'abakozi b'ebibi. Ndigha abantu bange empeera yaibwe nga njiira ku mazima, era naakola nabo endagaano ey'ebyanda n'ebyanda.

Ezekieli 4:14

Aye nze naamwiramu nti: “Aa, Musengwa Katonda wange, bona eno, nze tyeyonoonangaku naire. Okuva mu buto bwange okutuuka ni ye buli eno, tiryangaku kifiire bufe kyene, oba ekiitiibwa ensolo edh'omu nsiko. Era tiryangaku kintu kyonakyona ekitali kirongoofu.”

Ezekieli 44:31

Kabona taalyenga ku mamba ya nsolo oba ya nhonhi efiire yeene, waire eyo eitiibwa ensolo eyindi.”

Hosea 13:9

Ndibazikiriza imwe Abaisiraeli. Naani alisobola okubayamba?

Abalevi 22:8

Atalyanga mamba ya nsolo efiire yeene, oba eitiibwa ensolo eyindi, olwo alobenga kwereetera kuba atali mulongoofu. Ninze Musengwa Katonda.

Abalevi 6:4

Ole anaakolanga ekibi ku ebyo ebyogeirwaku, era abantu ni bamanha ng'ali n'omusango, anaizangagho ekintu ekyo kye yanhaga, oba ekyo kye yafuna mu kuguyaguya, oba ekyo Muisiraeli mwine kye yamulekera ng'omusingo n'aloba okukimwiriza, oba ekyo ekyabula n'akyeiriza ng'akiboine,

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Mika 6:3

Akoba ati: “Bantu bange, kiki kye nabakola? Nabakaluubiriza mu nsambo ki? Mundhiremu.

Malaki 1:10

Musengwa Katonda Afuga Amagye akoba ati: “Kyandibaire kikalamu ngoli owundi ku imwe aigalagho endhigi dh'eisinzizo, mwalekera agho okukumira obwereere emiriro ku alutaari yange! Bye mukola tibiinhoonha naire, n'ebigheebwayo ebiva mu ngalo dhaimwe tiidhanga kubisiima.

Malaki 2:12

Musengwa Katonda agwananga yaatoola mu Baisiraeli omuntu yeenayeena eyakola ekyo, era yaaloba kwirayo kumuganha kweyimba na bantu ba ighanga lyaife nga baleeta ebigheebwayo eri Musengwa Katonda Afuga Amagye.

Malaki 2:13

Ekindi kye mukola ni kino: Muboza alutaari ya Musengwa Katonda n'amaziga ge mulira nga muwowoola, olw'okuba ebigheebwayo bye mumuleetera takaabisiima waire okubiringaku.

Matayo 6:16

“Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Amateeka Agokubiri 15:21

Aye ensolo edho bwe dhinaabangaku ekikyamu, nga nema, oba nga ntulu, oba nga dhiriku ekikyamu ekindi kyonakyona, timuudhighengayo eri Musengwa Katonda waimwe.

1 Samueli 2:29

Lwaki timwisa kitiisa mu misengo gyange n'ebigheebwayo byange bye nalagira abantu bange okumpa? Iwe Eli, lwaki ogha batabane bo ekitiisa ekinene okusinga ky'ompa nze, ni mugeedhera ku bisinga obulungi, mu ebyo abantu bange Abaisiraeli bye baghaayo?