Malaki 1:11 - Baibuli Ekibono kya Katonda 2014

¹¹ Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Malaki 1:11 ပူးပေါင်းရင်းမြစ်များ

1 Ebyomubyanda 16:25

Musengwa Katonda mukologho era agwaine okusinzibwa einho. Oyo n'ali n'okutiibwa okusinga ebyo byonabyona ebyetebwa bakatonda.

Zabbuli 111:9

Yanunula abantu be, yaakola nabo endagaano etavaagho ebyanda n'ebyanda. Eriina lye itukuvu era litiibwa.

Zabbuli 113:3

Eriina lya Musengwa Katonda lisaakibwe okuva endhuba y'eva okutuuka y'egwa.

Zabbuli 138:5

Era baidha kwembanga ku ebyo bye wakola, kuba ekitiisa kyo kinene.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Zabbuli 45:17

Mu lwembo lwange, abantu ab'ense n'ense baja kwidhukiranga obumanhifu bwo, olw'ekyo amaghanga gaja kukusaakanga ebyanda n'ebyanda.

Zabbuli 48:10

Okuva ensi y'eva okutuuka y'ekoma, abantu boonaboona bakwidhi era bakusaaka. Obufuzi bwo buziramu kwekubira.

Zabbuli 48:11

Abantu ab'oku lusozi Sioni ka basanhuke, n'ab'omu bibuga bya Yuda basagambe; kuba osala ensonga mu butuufu.

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Zabbuli 65:9

Otugheereza amaadhi gaagwa okwoleka nga bw'olabirira ensi, waagigha eitaka eigimu einho, waagigha emiiga egitakala, ebirime byakula bukalamu. Otyo bwe wabikola.

Zabbuli 67:2

Olwo ensi yoonayoona emanhe ebyo by'oyenda; amaghanga goonagoona gamanhe amaani go agawonia.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Zabbuli 96:8

Mwatule eriina lya Musengwa Katonda nga bwe liri n'ekitiisa; mwidhe ku mpya dhe nga mumuleetera ebigheebwayo.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 12:5

Mwembe nga musaaka Musengwa Katonda olw'eby'amaani by'akoze, mubimanhise ensi yoonayoona.

Isaia 19:21

Ku lunaku olwo Musengwa Katonda alyeyoleka mu Bamisiri, baamumanha, baamusinza nga baghaayo emisengo n'ebigheebwayo ebyokebwa. Balyeyama y'ali era baatuukiriza bye beeyamye.

Isaia 30:27

Bona ere, obuyinza n'ekitiisa kya Musengwa Katonda biri kwidha, waire nga bikaali ghalaku. Omwosi ghalala n'omuliro, byoleka obusungu bwe obubitirivu. Bw'ayogera, ebyo by'ayogeire byokya ng'oti bwa muliro gwene oguzikiriza.

Isaia 45:6

Kino nkikoze, abantu boonaboona okuva e buvandhuba okutuuka e bugwandhuba, basobole okumanha nga ninze Musengwa Katonda zenka, ezirayo Katonda wundi naire.

Isaia 54:5

Omutonzi wo mwene n'aliba balo, era eriina lye ni Musengwa Katonda Afuga Amagye. Omutukuvu wa Isiraeli n'aliba Omununuzi wo, era oyo ni Katonda w'ensi yoonayoona.

Isaia 59:19

Abantu okuva e buvandhuba okutuuka e bugwandhuba balimutya, era baatya n'ekitiisa kye kuba aliidha ng'oti n'omwiga oguwolomboka n'amaani, nga gutwalibwa empewo Musengwa Katonda mwene y'asindika.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Yeremia 10:6

Wo Musengwa Katonda, ghazira ali ng'oti niiwe. Oli mukologho, n'eriina lyo lyona ikologho era lya maani.

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Danieli 2:45

Era wabona eibaale eryamogoka lyonka ku lusozi nga ghazira muntu aligemyeku, lyamaniangula ekyuma ekigumu einho, n'ekyuma eky'ekikomo, n'eitosi, ni feeza, ni zaabu. Isebantu kyabazinga, Katonda omukologho n'akumanhiisa ebyo ebiribaagho. Ekyo n'ekirooto kyo kyene kye waloota, era ago n'amakulu gaakyo geene agaziramu kubuusabuusa naire.”

Amosi 9:12

Olwo Abaisiraeli baghangule ebiketezo by'ensi Edomu ebisigairegho, ghalala n'amaghanga agandi goonagoona agaali gamanhiibwa nga gange, nga gafugibwa Baisiraeli.” Atyo Musengwa Katonda bw'akoba, aja okutuukiriza ekyo.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Zefania 3:9

“Bwenebwene mu kiseera ekyo nja kukyusa abantu abamaghanga goonagoona basabenga nze zenka, era bampeerezenga n'omwoyo mulala.

Zekaria 8:7

Bona eno, ndinunula abantu bange, naabatoola mu nsi edh'e buvandhuba n'e bugwandhuba ye baatwalibwa.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Malaki 3:3

Alityama okusala omusango ng'omufumbi w'ebyuma bw'akenenula feeza. Alisengeedha bakabona baidhukulu ba Levi yaabakenenula, ng'ole bw'akenenula zaabu ni feeza, okutuusa lwe balitoolera okughaayo ebigheebwayo ebituufu eri Musengwa Katonda.

Okubala 7:74

Era ekigheebwayo kye kyalimu ekintu ekibaamu obubbaani kirala ekyakolebwa mu zaabu, nga kizitogha guraamu kikumi na ikumi era nga kiidhwire obubbaani.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Matayo 8:11

Era ka mbakobere: abantu kamaala baliva ku luuyi olw'e buvandhuba n'olw'e bugwandhuba, baatyama ni Aburahamu, ni Isaaka, ni Yakobo mu Bwakyabazinga obw'omu igulu

Luka 1:10

Abantu abeesoloza boonaboona baali ku luya nga basaba, mu saawa ey'okuniosa obubbaani.

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 15:16

okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

2 Ab'e Thessalonika 1:12

Olwo eriina lya Musengwa waife Yesu ligheebwe ekitiisa mu imwe, era mwena mufunire ekitiisa mu oyo, olw'ekisa kya Katonda waife ni Musengwa Yesu Kurisito.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

Okwolekebwa 5:8

Bwe yakola ekyo, ebitonde ebiramu ebina (4) n'abakulembeze amakumi abiri n'abana (24), beeyala mu maiso ag'Entaama Ento. Buli mulala yali n'entongooli, n'ebibya ebya zaabu ebiidhwire obubbaani ng'okwo n'okusaba okw'abatuukirivu.