Malaki 1:10 - Baibuli Ekibono kya Katonda 2014

¹⁰ Musengwa Katonda Afuga Amagye akoba ati: “Kyandibaire kikalamu ngoli owundi ku imwe aigalagho endhigi dh'eisinzizo, mwalekera agho okukumira obwereere emiriro ku alutaari yange! Bye mukola tibiinhoonha naire, n'ebigheebwayo ebiva mu ngalo dhaimwe tiidhanga kubisiima.

Malaki 1:10 ပူးပေါင်းရင်းမြစ်များ

2 Bakyabazinga 12:6

Aye omwaka ogwamakumi abiri n'esatu (23) nga kyabazinga Yoashi n'afuga gwatuuka, aye nga bazira ghe balongoosiisaaku naire.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Yeremia 14:10

Abantu abo Musengwa Katonda abairamu ati: “Abantu bange benda inho okunvaaku, baaloba kwefuga naire. Zeena kyenva ni ntabasiima naire, era ndidha kwegemerera ensobi dhaibwe, mbabonereze olw'ebibi byaibwe.”

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Malaki 1:13

Mukoba muti, ‘Bino nga tubikooye’, era mwaneesimooza. Mwaleeta ensolo dhe munhaze obunhage, oba enema, oba endwaire, mwadhighaayo ye ndi ng'ebigheebwayo byaimwe. Olwo mulowooza muti nze Musengwa Katonda nsobola okusiima ebigheebwayo ng'oti n'ebyo, ebiva mu ngalo dhaimwe?

Malaki 2:12

Musengwa Katonda agwananga yaatoola mu Baisiraeli omuntu yeenayeena eyakola ekyo, era yaaloba kwirayo kumuganha kweyimba na bantu ba ighanga lyaife nga baleeta ebigheebwayo eri Musengwa Katonda Afuga Amagye.

Malaki 2:13

Ekindi kye mukola ni kino: Muboza alutaari ya Musengwa Katonda n'amaziga ge mulira nga muwowoola, olw'okuba ebigheebwayo bye mumuleetera takaabisiima waire okubiringaku.

Yoanne 10:12

Oyo ayayira empeera nga ti n'omwayi mwene ntaama, bw'abona omusege nga gwidha aleka agho entaama yaalumuka, gwadhighalarira dheesasa.

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?

Ab'e Filippi 2:21

Abandi bafa ku byaibwe byonka, tibafa ku bya Yesu Kurisito.

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.