Luka 9:58 - Baibuli Ekibono kya Katonda 2014

⁵⁸ Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana w'Omuntu azira gh'aisa mutwe.”

Luka 9:58 ပူးပေါင်းရင်းမြစ်များ

Zabbuli 84:3

Wo Musengwa Katonda iwe Afuga Amagye, mbo n'enkazaluya dhoona dhifuna agh'okusula, n'obumiini bwona bwezimbira ebisu mwe bukuumira obwana bwabwo agho okumpi ni alutaari dho, iwe Kyabazinga wange era Katonda wange.

Matayo 13:32

Waire nga n'akatonioli mu nsigo dhoonadhoona, bwe kamera kakula kaaba kabba okusinga ebimera ebindi kaafuuka muti, era enhonhi edh'omu ibbanga dhiidha dhaazimba ebisu mu nsaga dhaagwo.”

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.