Luka 9:51 - Baibuli Ekibono kya Katonda 2014

⁵¹ Agho enaku dha Yesu edh'okutwalibwa mu igulu bwe dhaatuuka, Yesu yaamalirira okuja e Yerusalemu.

Luka 9:51 ပူးပေါင်းရင်းမြစ်များ

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Luka 12:50

Ndi n'okubatizibwa kwe nja okubatizibwamu, era kuunumya inho omwoyo, okutuusa lwe kulituukirizibwa.

Luka 13:22

Yesu yaaja ng'abita mu bibuga ni mu byalo ng'ayegeresa, ng'alaga e Yerusalemu.

Luka 17:11

Olwatuuka bwe yali aja e Yerusalemu, yaabita ghagati gha Galilaaya ni Samaria.

Luka 18:31

Agho Yesu yaatwala Eikumi n'Ababiri gha mbali, yaabakoba ati: “Buti tuli kuniinaniina e Yerusalemu era ebintu byonabyona ebyaghandiikibwa abalanzi ebigema ku Mwana w'Omuntu bija kutuukirira.

Luka 19:11

Bwe baali bakaawulirisa ebyo, Yesu yeeyongera, yaabafumira olufumo, kuba yali ali kumpi ni Yerusalemu, ate nga baali badhuuba bati Obwakyabazinga bwa Katonda bwali bwa kuboneka mangu ago.

Luka 19:28

Yesu bwe yamala okwogera ebyo, yaakulemberamu yaaniinaniina, yaasimba e Yerusalemu.

Luka 24:51

Era bwe yali abagha omukisa yaabavaaku yaatwalibwa mu igulu.

Luka 9:57

Agho bwe baali batambula mu ngira ghaabaagho eyamukoba ati: “Ndidha kukunonerezanga buli gh'onaajanga.”

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 16:28

Nava ewa Lata naidha mu nsi kabiri ndi kuva mu nsi nja ye Lata.”

Yoanne 16:5

Aye mperaano ndi kuja y'oyo eyantuma, era ghazira ku imwe ambuuza ati: ‘Olaga gha?’

Yoanne 17:11

Nze ndi kwidha y'oli, tikaali mu nsi, aye abo bakaali mu nsi. Lata Omutukuvu, abo be wampa bakuumenga ng'okozesa obukumu obw'eriina lyo eryo, babe kitole oti ninze n'iwe bwe tuli.

Yoanne 6:62

Memale nguli mubona Omwana w'Omuntu ng'aniinaniina eyo mu kifo ye yabanga?

Ebikolwa by'Abatume 1:2

okutuusa ku lunaku lwe yatwalibwa mu igulu, ng'amaze okugha Abatume be yali alonze ebiragiro ku bwa Mwoyo Mutukuvu.

Ebikolwa by'Abatume 1:9

Bwe yamala okwogera ebyo, yaatwalibwa mu igulu nga balingiriire, era ekire kyamutwala okutuusa lwe baalekera okumubona.

Ab'Efeso 1:20

n'ago geene agaazuukiza Kurisito, ni gamutyamya mu igulu ku mukono omusaadha ogwa Katonda,

Ab'e Filippi 3:14

Neekalangula okutuuka ku kigendererwa, nfune ekirabo eky'obulamu obw'omu igulu Katonda kye yandhetera mu Kurisito Yesu.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 6:20

Ku lwaife, Yesu n'eyatusooka okwingirayo era yaafuuka Omukulu wa Bakabona ow'ebyanda n'ebyanda ng'oti ni Melekizedeki bwe yali.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.