Luka 9:22 - Baibuli Ekibono kya Katonda 2014

²² Era yaabakobera ati: “Omwana w'Omuntu taliroba kudaazibwadaazibwa inho. Abakulu ab'ebika, Bakabona Abakulu, n'Abanamateeka, balimwegaana era aliitibwa, ate ku lunaku olwokusatu alizuukira.”

Luka 9:22 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Matayo 17:12

aye ka mbakobere: Eliya yaidha ira, aye tibaamumanha era baamukola byonabyona nga bwe baasiima. Mu nsambo n'endala bwe baja okudaazadaaza n'Omwana w'Omuntu.”

Matayo 17:22

Bwe baali mu Galilaaya Yesu yaabakoba ati: “Omwana w'Omuntu aja kugheebwayo mu mikono egy'abantu,

Matayo 27:63

Baakoba bati: “Musengwa twidhukiire ng'omuguya oyo bwe yali ng'akaali mulamu yakoba ati, ‘Nga ghabiseegho enaku isatu ndizuukira.’

Mariko 8:31

Yaatoolera okubeegeresa ng'Omwana w'Omuntu bwateekwa okudaazibwadaazibwa einho, okwegaanibwa abakulu ab'ebika, Bakabona Abakulu, n'Abanamateeka, n'okwitibwa, era nga ghabise enaku isatu azuukire.

Mariko 9:31

Kuba yayegeresa Abeegeresebwa be ati: “Omwana w'Omuntu aja kugheebwayo mu mikono egy'abantu bamwite, era nga ghabise enaku isatu nga bamaze okumwita aidha kuzuukira.”

Luka 17:25

Aye ateekwa okusooka okudaazibwa einho, n'okwegaanibwa ab'oluse luno.

Luka 24:26

Tikyali nti bino byali biri n'okutuuka ku Kurisito memale atuuke mu kitiisa kye?”

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Luka 24:7

bwe yakoba ati, ‘Omwana w'Omuntu ali n'okugheebwayo mu mikono gy'ababi, akomererwe era olunaku olwokusatu azuukire.’ ”

Luka 9:44

“Muwulirise bukalamu bino bye nja okubakoba: Omwana w'Omuntu aja kugheebwayo mu mikono egy'abantu.”

1 Ab'e Korintho 15:4

Era yaaziikibwa, ku lunaku olwokusatu yaazuukira, era nga bwekiri mu byaghandiikibwa.

1 Petero 1:11

Baagezaaku okunoonereza okumanha ekiseera okulokoka okwo kye kuliidhiramu, era n'ensambo ye kuliidhamu, nga bajiira ku Mwoyo wa Kurisito eyabalimu, baalanga okudaagadaaga okwali kuli n'okutuuka ku Kurisito, era n'ekitiisa ekyali kiri n'okukuvaamu.