Luka 9:16 - Baibuli Ekibono kya Katonda 2014

¹⁶ Yaatoola emigaati etaanu n'ebyenhandha ebibiri yalinga ghaigulu mu igulu, yaabigha enkabi yeeyanza, yaabimegulamu yaagha Abeegeresebwa bagabule abantu.

Luka 9:16 ပူးပေါင်းရင်းမြစ်များ

Matayo 14:19

Bwe yamala okulagira abantu okutyama ku busubi, yaatoola emigaati etaanu n'ebyenhandha ebibiri, yaalinga ghaigulu, yaabigha enkabi nga yeebaza Katonda, yaamegulamegulamu emigaati, era yaagigha Abeegeresebwa be, era Abeegeresebwa be baagigabula abantu.

Matayo 15:36

yaatoola emigaati omusanvu, n'obwenhandha, yeeyanza yaabimegulamu, yaagha Abeegeresebwa be, era Abeegeresebwa be baabigabula abantu.

Mariko 7:34

yaalinga ghaigulu, yaisa omuuka, yaakoba ati: “Effatha!” Ekitegeeza kiti: “Iguka.”

Luka 22:19

Olwo yaatoola omugaati yeeyanza Katonda, yaagumegulamegulamu, yaabagha ng'akoba ati: “Guno n'omubiri gwange, [ogugheebwayo ku lwaimwe. Kino mukikolanga okundidhukira.”

Luka 24:30

Olwatyama ku kiiwulo yaatoola omugaati, yaagugha enkabi yeeyanza, yaagumegulamegulamu, yaabagha.

Luka 9:15

Baakola batyo, baabatyamya boonaboona.

Luka 9:17

Boonaboona baalya baiguta, era baasoloza ebiibo ikumi na bibiri eby'ebitundu ebyafiikagho.

Yoanne 6:11

Yesu yaatoola emigaati yeeyanza Katonda, yaagabira abantu abaali batyaime ku busubi. Mu nsambo n'endala atyo bwe yakola n'ebyenhandha abantu boonaboona baafuna nga bwe baayenda.

Yoanne 6:23

Ghaabaagho amaato agaava e Tiberia, gaidha okumpi n'ekifo abantu kamaala ghe baaliira emigaati nga Musengwa amaze okweyanza.

Ebikolwa by'Abatume 27:35

Bwe yamala okwogera atyo, yaatoola omugaati, yeebaza Katonda nga boonaboona babona, yaagumegulamu, yaatoolera okulya.

Ab'e Roma 14:6

Kiisi akuza lunaku, akikola lwa kugheesa Musengwa kitiisa. Kiisi alya kiriibwa kyonakyona, akikola lwa kugheesa Musengwa kitiisa, kuba yeeyanza Katonda olw'emere eyo. Kiisi atakirya, akola atyo lwa kugheesa Musengwa kitiisa, era yeeyanza Katonda.

1 Ab'e Korintho 10:30

Bwe mba nga mpaireyo okusaba kwange okw'okwebaza olw'emere, lwaki omuntu annenia olw'okulya emere ye neebaliiza Katonda?

1 Ab'e Korintho 11:24

era bwe yamala okusiima Katonda, yaagumegulamu era yaakoba ati: “Guno n'omubiri gwange oguligho ku lwaimwe. Mukolenga kino olw'okundidhukiranga.”

1 Samueli 9:13

Bwe munaaba nga mwakaingira ekibuga, mwidha kumwagaana ng'akaali kuja kulya mu kifo ekigulumivu eky'okusinzizaamu. Abantu tibaidha kulya ng'akaali kutuuka, kuba n'ali n'okusabira omusengo enkabi, memale olwo abantu abeeteibwa baghange okulya. Kale ni muniineniine, mwidha kumubona mangu.”