Luka 8:47 - Baibuli Ekibono kya Katonda 2014

⁴⁷ Omukazi bwe yabona nga takaaghanga kwegisa, yaidha ng'adhugumira yeeyala agho mu maiso ga Yesu, yaayogera ekimumugemeisaaku ng'abantu boonaboona bamuwulira, era yaakoba nga bw'awoneiregho.

Luka 8:47 ပူးပေါင်းရင်းမြစ်များ

Zabbuli 2:11

Mugheereze Musengwa Katonda nga mumutya,

Zabbuli 38:9

Wo Musengwa Katonda, kye neegomba okiidhi bukalamu, okusinda kwange kwonakwona okuwulira.

Zabbuli 66:16

Imwe mwenamwena abatya Katonda mwidhe muwulire, ndidha kubakobera nze by'ankoleire.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Hosea 13:1

Mu biseera ebyabita, ab'ekika kya Efuraimu bwe baayogeranga, ng'ab'ebika ebindi mu Isiraeli badhugumira. Abaefuraimu abo baateebwangamu ekinhagansi. Aye nga bwe beereetera omusango olw'okusinza omusambwa Baali, bali n'okufa.

Hosea 5:3

Nze ndidhi Abaisiraeli nga bwe bafaanana era tibasobola kuneegisaaku. Abaisiraeli abo tibabaire beesigwa naire, era bafuuse abatali balongoofu.”

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Matayo 28:8

Baafuluma mangu mu magombe nga batya, ate n'eisanhu lingi baalumuka okukobera Abeegeresebwa be.

Mariko 5:33

Omukazi yaatya era yaadhugumira, ng'ategeire ekimukoleirwa. Yaidha yaakuba amakiryaivu agho mu maiso ga Yesu yaamukobera byonabyona nga bwe byali.

Luka 8:46

Aye Yesu yaakoba ati: “Ghaligho angemyeku, kuba ntegeire amaani bwe ganviiremu.”

Luka 8:48

Yesu yaamukoba ati: “Omughala, okwikiriza kwo kukuwoniiza ja miraala.”

Ebikolwa by'Abatume 16:29

Agho omukuumi ow'eikomera yaayetesa eitaala, yangira mangu, yeeyala gh'ebigere bya Paulo ni Sila ng'adhugumira.

1 Ab'e Korintho 2:3

Kale bwe naidha ye muli nali munafu nga ntya era nga ndhugumira zeenazeena

2 Ab'e Korintho 7:15

Era bw'aidhukira obuwulize bwaimwe mwenamwena, okutya n'okumutengeetera nga mumusangaaza, yeeyongera okubagonza.

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”