Luka 8:44 - Baibuli Ekibono kya Katonda 2014

⁴⁴ Ono yaaseeta ng'ava emugongo yaagema ku lusa olw'ekivaalo kya Yesu, era mangu ago ng'omusaayi gulekera agho.

Luka 8:44 ပူးပေါင်းရင်းမြစ်များ

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 20:34

Yesu ekisa kyamugema, yaabagema ku maiso era mangu ago baaghanga okubona era baamunonereza.

Matayo 8:3

Yesu yaagolola omukono gwe yaamugemaku ng'akoba ati: “Nhenda, wona.” Era mangu ago yaawona endwaire ey'ebigenge.

Matayo 9:20

Ghaabaagho omukazi eyali alwaire ekikulukuto okumala emyaka ikumi n'ebiri, yaava emugongo wa Yesu, yaagema ku lusa lw'ekivaalo kye

Mariko 6:56

Era kiisi ghe yajanga, mu byalo, oba mu bibuga, oba mu buduuka, abalwaire nga babata mu biya era baamweghemba abaganhe kasinga bagemeku bugeme ku lusa olw'ekivaalo kye era boonaboona abaakigemaku, baawona.

Luka 13:13

Yaamwisaaku emikono, era okutemya n'okuzibula ng'ayemerera butereevu, era yaagha Katonda ekitiisa.

Luka 7:38

Yaayemerera einhuma gh'ebigere bye yaalira. Era yaaboza ebigere bya Yesu n'amaziga ge, yaabisiimuuza enviiri dhe, yaabinhwegera, yaabisiiga obuwoowo.

Luka 8:43

Ghaabaagho omukazi eyali alwaire ekikulukuto okumala emyaka ikumi n'ebiri, aye ghaabulagho asobola okumuwonia.

Luka 8:45

Yesu yaabuuza ati: “Naani angemyeku?” Boonaboona bwe beegaana, Petero yaamukoba ati: “Mwegeresa, eikuukuubira ery'abantu likwetooloire era bali kukwenhigirizaaku.”

Yoanne 5:13

Aye omusaadha eyawonezebwa tiyamanha eyali amuwoniiza, kuba Yesu yali abuze olw'eikuukuubira eryali agho.

Ebikolwa by'Abatume 19:12

ng'ebitambaala n'ebivaalo ebyavanga ku mubiri gwe baabitwaliranga abalwaire baawonezebwanga era n'abalingaku emizimu emibi gyabavaaku.

Ebikolwa by'Abatume 5:15

Baaleetanga abalwaire ku nguudo abali ku ndiri ni ku mikeeka, bwe kiba nga kisoboka ekinsense kya Petero bw'aba ng'abita, kibatuukeku.

Amateeka Agokubiri 22:12

“Oidha kutunganga omadhwenge ku nsonda eina edh'ekivaalo kyo.”