Luka 8:42 - Baibuli Ekibono kya Katonda 2014

⁴² Kuba mughala we omulala bedengedenge, eyali ow'emyaka eikumi n'ebiri yali ali kufa. Bwe yali aja abantu kamaala baamwenhigirizaaku.

Luka 8:42 ပူးပေါင်းရင်းမြစ်များ

Yobu 4:20

Okuzikirira kwaibwe tikutwala na kiseera. Baba balamu okuva ku nkyo, aye buja okutuuka eigulo nga babuzeegho, baaloba na kwidhukirwa.

Omulangirizi 6:12

Bwenebwene naani aidhi omuntu ky'agwaniire okufuna mu bulamu bwe obumpi butyo obuziramu muganhulo, era obubitagho obubite ng'oti kinsense? Era naani asobola okukobera omuntu ebiribaagho ku nsi, ng'omuntu oyo aviiregho?

Ezekieli 24:16

“Iwe omuntu, bona, onaaja okutemya n'okuzibula nga nkutoire ku maiso oyo asinga okukusanhusa. Aye otalira, oba okuwowoola, oba okutoonhia eiziga waire eirala liti.

Ezekieli 24:25

Era Musengwa Katonda yankoba ati: “Iwe omuntu, olunaku lulituuka naabatoolaku eisinzizo eribaleetera okwebona nga ba maani era nga ba bitiibwa, beesuuta, era lyabasanhusa okulingirira, beegomba okulingiramu. Era ku lunaku olwo ndibatoolaku n'abaana baibwe.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Mariko 5:24

Agho Yesu yaaja naye, n'eikuukuubira ery'abantu lyamunonereza era baaja nga bamwenhigirizaaku.

Luka 7:12

Bwe yali ng'ali kumpi okutuuka ku mulyango ogw'ekibuga, ghaabaagho omulambo gwe baali bafulumya. Omufu yali nga yazaalibwa mulala ati ku inhina, ate ng'ono yali namwandu era abantu ab'ekibuga abaaligho baali kamaala.

Luka 8:41

Olwo ni ghaidhagho omusaadha ayetebwa Yairo, eyali nga mukulu wa sinagoga. Yaakuba amakiryaivu gha bigere bya Yesu yaamusaba ajeeku mu ndhu ye.

Luka 8:43

Ghaabaagho omukazi eyali alwaire ekikulukuto okumala emyaka ikumi n'ebiri, aye ghaabulagho asobola okumuwonia.

Luka 8:45

Yesu yaabuuza ati: “Naani angemyeku?” Boonaboona bwe beegaana, Petero yaamukoba ati: “Mwegeresa, eikuukuubira ery'abantu likwetooloire era bali kukwenhigirizaaku.”

Ab'e Roma 5:12

Ng'ekibi bwe kyaidha mu nsi olw'omuntu omulala ni kireeta okufa, okufa kwabuna abantu boonaboona kuba baayonoona.