Luka 8:28 - Baibuli Ekibono kya Katonda 2014

²⁸ Bwe yabona Yesu, yaagwa agho mu maiso ge era yaaleekaanira ghaigulu ati: “Yesu Omwana wa Katonda Ali Ghaigulu Yeene, onhendeza ki? Nkweghembye otandaazadaaza.”

Luka 8:28 ပူးပေါင်းရင်းမြစ်များ

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Matayo 8:29

Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Luka 8:27

Bwe yatuuka ku bukalu yaayagaanana n'omusaadha eyali ava mu kibuga ng'aliku emizimu emibi, era yali amaze entangama nga tavaala, nga tasula mu ndhu, ng'asula eyo mu lwambiidhi omwaziikibwanga abantu.

Luka 8:29

Kuba yalagira omuzimu omubi okumuvaaku. Emikuzi kamaala gwamugemanga, baamukuuma era baamusiba n'endhegere aye ng'edho adhikutula, omuzimu gwamutwala mu irungu.

Yakobo 2:19

Oikiriza ekya Katonda okuba omulala? Ekyo kikalamu! Aye n'emizimu emibi gyona giikiriza ekyo, era gyadhugumira n'okudhugumira.

2 Petero 2:4

Katonda tiyasaasira bamalaika abaayona, aye yaabasuula mu geyeena, yaabasibira mu nzikiiza okutuusa ku lunaku olw'okusalirwaku omusango.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.