Luka 8:23 - Baibuli Ekibono kya Katonda 2014

²³ Bwe baali nga bali kuseeyeeya yaatenduka. Agho kiwunga yaidha ku nhandha, eryato nga lyenda kwidhula era nga bali bwa ku mutawaana.

Luka 8:23 ပူးပေါင်းရင်းမြစ်များ

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Zabbuli 44:23

Wo Musengwa Katonda, zuuka! Lwaki otenduka? Situka! Otatusuula ere n'otwerabirira irala!

Isaia 54:11

Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Luka 5:1

Agho olwatuuka, bwe yali ng'ayemereire ku mbali kw'enhandha Gennesareti, abantu nga bali kumwenhigirizaaku abaali benda okuwulira ekibono kya Katonda,

Luka 8:22

Lwali lulala Yesu yaaniina mu lyato n'Abeegeresebwa be, yaabakoba ati: “Tusomoke enhandha tuje kule.” Baasimbuka baaseeyeeya.

Ebikolwa by'Abatume 27:2

Twasomokera mu lyato ery'e Aduramutio eryali lija okubita ku luuyi lwa Asia, twasomoka nga tuli ni Arisitaruko Omumakedonia ow'e Thessalonika.

1 Ab'e Korintho 15:30

Era ni bwe tuba ife, lwaki twandyetaire mu kabi buli kaseera?

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.