Luka 8:15 - Baibuli Ekibono kya Katonda 2014

¹⁵ Eyo eyagwa mu itaka eirungi, n'abo abawulira ekibono kya Katonda n'omwoyo ogugwaine era omulungi, baakikalangula baabala ebibala nga baguminkiriza.

Luka 8:15 ပူးပေါင်းရင်းမြစ်များ

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 51:10

Katonda wange, ntonderaamu omwoyo omulungi, ondhizeemu omwoyo ogukuwulira buli kiseera.

Ensambo 3:1

Mwana wange, oteerabiranga bye nkwegeresa, era idhukiranga byonabyona bye nkulagira.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Matayo 24:13

Aye oyo alyekalangula okutuusa ku nkomerero, alirokoka.

Luka 11:28

Aye Yesu yaakoba ati: “Abasinga okuba ab'enkabi n'abo abawulira ekibono kya Katonda ni bakigema.”

Luka 6:45

Omuntu omulungi atoola ku birungi ebiri mu mwoyo gwe yaakola ebirungi, ate omuntu omubi atoola ku bibi ebiri mu mwoyo gwe yaakola ebibi kuba ku biidhwire mu mwoyo omunwa gwe kwe gutoola bye gwogera.

Luka 8:14

Ate eyo eyagwa mu mawa n'abantu abawulira ekibono kya Katonda, aye bwe baja, okweraliikirira, obukombe, n'amasanhu ag'obulamu buno bibafundekeza, era tibaleeta bibala.

Luka 8:16

“Ezira muntu akunaania itaala kabiri n'alifundikaku kiibo, oba n'alita mu kunkuliisi aye alita ku kikondo kyalyo memale abangira baabona okumulika kwalyo.

Yoanne 14:15

“Oba nga mungonza, mugemenga ebiragiro byange.

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 7:18

Ndidhi nga olw'obuntu obuli mu nze ghazira kikalamu kyonakyona ekindimu, kuba ni bwenandyenze okukola ekituufu tighanga kukikola.

Ab'e Roma 7:4

Kale ni aboluganda, bwekiri kityo ye imwe. Mwafa mwayawukanira irala n'Amateeka kuba muli bitundu bya mubiri gwa Kurisito. Kale ni mperaano muli ba Kurisito oyo eyazuukira tusobole okukola obukalamu mu kugheereza Katonda.

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

1 Ab'e Korintho 7:19

Ekikulu tikukeketa oba butakeketa, aye kugondera mateeka ga Katonda.

Ab'Efeso 2:8

Mwalokolebwa lwa kisa kya Katonda mu kwikiriza tikyava mu maani gaimwe, aye kyali kirabo kya Katonda.

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 2:1

Agho ni tuteekwa okukalangula ebyo bye twawulira, tulobe kuwunguka kubivaaku.

Yakobo 1:4

Muleke okuguma kwaimwe okwo kukolere mu imwe, olwo mube abantu abatuukiriire era abalamba, nga muziraku kibulaku.

1 Yoanne 2:3

Bwe tugema ebiragiro bya Katonda tuba tukakasa nga tumwidhi.