Luka 7:42 - Baibuli Ekibono kya Katonda 2014

⁴² Bwe baabulwa ghe badhitoola okumusasula, yaabasonigha bombi. Kale naani ku bombi asinga okumusiima?”

Luka 7:42 ပူးပေါင်းရင်းမြစ်များ

2 Samueli 14:13

Omukazi yaakoba ati: “Kale lwaki otegeike okukola abantu ba Katonda ekibi ekyo? Mu ekyo ky'ova okusalagho, Isebantu kyabazinga, oba oli kwesalira mwene omusango okukusinga, bw'oloba okweta mutabane wo ye wali obinze, aire eka.

Zabbuli 103:3

N'oyo asonigha okwonoona kwange kwonakwona, yaawonia endwaire dhange dhoonadhoona.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Matayo 18:27

Musengwa w'omugheereza oyo yaamugemerwa ekisa yaamuleka, era yaamusonigha n'eibandha.

Matayo 18:34

Musengwa yaanakughala inho, era yaamughaayo mu ikomera bamudaazedaaze, okutuusa ng'asaswire eibandha lyonalyona.

Matayo 6:12

Tusonighe ebibi byaife, nga bwe tusonigha abatukola ebibi.

Luka 7:43

Simoni yairamu ati: “Ndhuuba ole ye yasonigha ekinene.” Yesu yaamukoba ati: “Osaze mu mazima.”

Ab'e Roma 3:24

Aye olw'ekisa kya Katonda, baagheebwa obutuukirivu ng'ekirabo mu Kurisito Yesu eyabanunula.

Ab'e Roma 5:6

Bwe twali nga tukaali mu bibi byaife, Kurisito yafiirira aboonooni, mu kiseera Katonda kye yalonda.

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Ab'e Kolosai 3:13

Mutabanga ba ikabyo, buli muntu asonighe mwine bweghabaagho asobiiza. Musonighe oti ni Musengwa bwe yabasonigha.