Luka 6:48 - Baibuli Ekibono kya Katonda 2014

⁴⁸ Ali ng'oti n'omuntu eyazimba endhu, nga yasooka yaasima ghansi, yaakuba omusingi ku lubaale, omwidhuzo gwabaagho, omwiga gwayalaala gwabanda endhu eyo, aye tigwaghanga kugitengeesa, kuba yali ezimbiibwa bukalamu.

Luka 6:48 ပူးပေါင်းရင်းမြစ်များ

2 Samueli 22:2

Musengwa Katonda n'olubaale mwe neegisa, era n'ekifo kyange eky'okwewogomamu, antoola mu bizibu.

2 Samueli 22:32

Ghazira Katonda wundi okutoolaku Musengwa Katonda; ghazira lubaale lundi lwa kwewogomamu okutoolaku Katonda waife oyo.

2 Samueli 22:47

“Musengwa Katonda mulamu! Oyo olubaale mwe neewogoma asaakibwenga; Katonda oyo obulokozi bwange agulumizibwenga!

2 Samueli 22:5

Olumbe lwanzingiza, omuzigu ng'ayenda kunsaaniagho ng'oti mataba.

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

Zabbuli 32:6

Kyenva ni nkoba kiisi akutya, akusabenga mu biseera eby'enaku, olwo ebizibu ebyekuluumulula ng'oti mwiga gwa mwidhuzo lwe bitalimutuukaku.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 95:1

Mwenamwena mwidhe twembere Musengwa Katonda, mwidhe tumukubire emizira oyo omukuumi era omulokozi waife!

Ensambo 10:25

Kiwunga bw'akunta ababi basaanagho, aye abatuufu basigalagho nga bagumu begulugulu.

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 59:19

Abantu okuva e buvandhuba okutuuka e bugwandhuba balimutya, era baatya n'ekitiisa kye kuba aliidha ng'oti n'omwiga oguwolomboka n'amaani, nga gutwalibwa empewo Musengwa Katonda mwene y'asindika.

Nahumu 1:8

Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Luka 6:47

Buli muntu aidha ye ndi n'awulira ebibono byange era n'abijiiraku, ka mbakobere bw'afaanana:

Luka 6:49

Aye oyo awulira ebibono byange n'atabijiiraku afaanana ng'oti n'omuntu eyazimba endhu ku itaka nga tatairegho musingi, era omwiga bwe gwayalaala ni gugibanda, mangu ago ng'egwa era yaasaanagho.”

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ab'Efeso 2:20

kuba mwazimbibwa ku musingi ogw'Abatume n'abalanzi, nga Kurisito Yesu mwene n'eibaale eikulu ery'omu nsonda.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Amateeka Agokubiri 32:18

Beerabira omulwanirizi waibwe ow'amaani, baaloba kwidhukira Katonda waibwe eyabagha obulamu.

Amateeka Agokubiri 32:31

Kuba emisambwa gy'abazigu baife minafu, aye Katonda waife wa maani. N'abazigu baife beene ekyo bakiidhi.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

2 Petero 1:10

Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

1 Samueli 2:2

Ezirayo mutukuvu ng'oti ni Musengwa Katonda, ezira wundi naire; ezirayo lubaale lwa kwewogomamu luli ng'oti ni Katonda waife bw'atukuuma.