Luka 6:42 - Baibuli Ekibono kya Katonda 2014

⁴² Oba, okoba otya muganda wo oti, ‘Muganda wange, ka nkutoole akakaba mu liiso,’ nga iwe mwene tobona kisiki kiri mu liryo? Muguya iwe, sooka otoole ekisiki mu liiso lyo memale oghange okubona obukalamu akakaba akali mu liiso lya muganda wo, n'okukatoolamu.

Luka 6:42 ပူးပေါင်းရင်းမြစ်များ

Ensambo 18:17

Omuntu asooka okuwoza mu musango aboneka ng'oti n'omutuufu, okutuusa owundi lw'aidha naamulumiriza.

Matayo 26:75

Petero yaidhukira ekibono Yesu kye yali amukobye ati: “Enkoko enaaba ng'ekaali kukolyoka, oidha kuba ng'oneegaine emikuzi esatu.” Agho yaafuluma ku luya, yaalira inho.

Matayo 7:3

Lwaki olingirira akakaba akali mu liiso lya muganda wo, aye n'oloba okubona ekisiki ekiri mu liryo?

Matayo 7:4

Oba, okoba otya muganda wo oti, ‘Ka nkutoole akakaba mu liiso,’ aye nga mu liiso lyo mulimu ekisiki?

Luka 13:15

Musengwa yaamwiramu ati: “Bakuusa imwe! Naani mu imwe, ku lwa Sabbato atasibula nte ye, oba ndogoyi ye mu kitabo n'agitwala kunhwa?

Luka 22:32

Aye nze nkusabiire okwikiriza kwo kulobe kukendeera, era bw'okyukanga ogumyanga baganda bo.”

Luka 6:41

“Lwaki obona akakaba akali mu liiso lya muganda wo aye n'oloba kufaayo ku kisiki ekiri mu liiso lyo lyene?

Luka 6:43

“Ezira muti mukalamu gutaaku bibala bibi, waire omuti omubi okutaaku ebibala ebikalamu.

Ebikolwa by'Abatume 13:10

yaamukoba ati: “Iwe omwana wa Sitaani! Iwe aidhwire obuguya n'obukupankupania, omuzigu w'obutuukirivu bwonabwona! Tolirekera kugodagoda magira ga Musengwa amatereevu?

Ebikolwa by'Abatume 2:38

Petero yaabakoba ati: “Mwenenie, buli muntu abatizibwe mu liina lya Yesu Kurisito, ebibi byaimwe bisoniyibwe, era mwidha kufuna ekirabo kya Mwoyo Mutukuvu

Ebikolwa by'Abatume 8:21

Tosobola kwetaba waire okugabana ku kino, kuba omwoyo gwo tiimutuufu mu maiso ga Katonda.

Ab'e Roma 2:1

Kale mukagwa wange asalira abandi omusango, ni bw'oba ani ozira kya kwegemya, kuba bw'okola ebintu ng'oti n'abandi bye bakola, weesingisa mwene omusango.

2 Ab'e Korintho 5:18

Akola bino byonabyona ni Katonda eyabita mu Kurisito n'atuleetera okwisania naye, era n'atugha omulimo ogw'okuleetera abantu abandi boona okwisania naye.

2 Timotheo 2:21

Omuntu bwe yeetukuza n'ava mu bibi byonabyona, afuuka ekibya ekikozesebwa emirimo egy'ebbeeyi, ng'atukuziibwa era nga wa mugaso ye Musengwa era eyeetegeike okukola omulimo gwonagwona omukalamu.

2 Petero 1:9

Aye kiisi abizira aba ng'oti mutulu, era aba yeerabiire ng'ebibi bye eby'eira byamunaazibwaku.