Luka 6:29 - Baibuli Ekibono kya Katonda 2014

²⁹ Ole bw'akukubanga ku itama omugaluliranga n'erindi, ole bw'akutoolangaku ky'ovaala tomuloberanga kutwala ni kye weebwika.

Luka 6:29 ပူးပေါင်းရင်းမြစ်များ

2 Samueli 19:30

Mefiboshethi yaakoba kyabazinga ati: “Leka Zika atwale lyonalyona, kasita iwe Isebantu kyabazinga oize eka mu miraala.”

2 Ebyomubyanda 18:23

Agho omulanzi Zedekia mutabane wa Kenaana, yaaseeta ye Mikaia, yaamukuba oluyi ku itama era yaamubuuza ati: “Omwoyo gwa Musengwa Katonda gwanviireku gutya, memale gwogere n'iwe?”

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Okulira 3:30

Era omuntu oyo atafangayo ku mikuzi emeka gy'akubiibwa, oba ku bivumo ki by'avumiibwa.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Matayo 26:67

Baamufuudha mu maiso, baamudaazadaaza inho, baamukuba empi,

Luka 22:64

baamughemba ku maiso memale baamukoba bati: “Teeba, naani akukubye?”

Luka 6:30

Buli akusaba omughanga, ate ole akutoolangaku ebibyo otabimusabanga.

Yoanne 18:22

Yesu bwe yakoba ebyo, omukuumi mulala ku baali beemereire agho yaamukuba oluyi ng'akoba ati: “Otyo bw'oiramu Omukulu wa Bakabona.”

Ebikolwa by'Abatume 23:2

Omukulu wa Bakabona Anania yalagira abo abaali okumpi ni Paulo okumukuba omunwa.

1 Ab'e Korintho 4:11

Okutuukiza irala ku saawa ya mperaano tuja ndhala nga n'endiwo etuluma, tuvaala biziina, tukubibwa, tuzira maka tuwuunzuuma buwuunzuume,

1 Ab'e Korintho 6:7

Okughaghabiragana ku mbuga beene na beene, kwoleka ng'okwebisa ng'Abakurisito kubalemye. Lwaki timumala gaguminkiriza bisobyo bya banaimwe? Lwaki timumala gaganha banaimwe kubatwalaku byaimwe?

2 Ab'e Korintho 11:20

Muguminkiriza omuntu bw'abatwala okuba abairu, oba bw'abanhaga, oba bw'abatega, oba bwe yeekudumbaza, oba bw'abakuba mu maiso.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.