Luka 6:25 - Baibuli Ekibono kya Katonda 2014

²⁵ Mukagwireku imwe buti abaigwite, kuba endhala eribaluma. Mukagwireku imwe abaseka mperaano, kuba muligegenga, mwalira.

Luka 6:25 ပူးပေါင်းရင်းမြစ်များ

Zabbuli 49:19

aja kufa yeeyimbe ku badhaadha be abaafa, obutaja kwirayo kubona ku ndhuba kabiri.

Ensambo 14:13

Omuntu asobola okuseka aye ng'ali n'obughafu ku mwoyo, era aghava eisanhu ghairagho nnaku.

Ensambo 30:9

Olwo ndobe kuba na bingi inho, okutuuka n'okukwegaana nti, ‘Musengwa Katonda naani?’ Oba bwemba omwavu ndobe kwiba na kuvumagania liina lyo iwe Katonda wange.

Omulangirizi 2:2

Naakoba nti: “Okwira agho mu kuseka obuseke, kuli ng'oti kugwa iralu, n'amasanhu gazira kye gagasa.”

Omulangirizi 7:3

Okubona enaku kusinga okusanhuka, kuba waire enaku yeenhiinkaaza omuntu mu maiso, aye etereeza omwoyo gwe.

Omulangirizi 7:6

Kuba, ng'enku edh'amawa bwe dhitulikatulika mu ziiko ghansi gh'entamu, n'enseko edh'abasiru dhityo bwe dhiwulikana, dhaaloba kubaamu makulu naire.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Amosi 8:10

Era akoba ati: “Ndifuula ebibinuko byaimwe byaba mikolo gya kulira, n'enhembo dhaimwe dhaaba kugegenga. Ndibamwesaaku enviiri ku mitwe gyaimwe okudhimaliriraku ng'oti mpaata, naabaleetera okwesiba ebikaakaati mu nkende mwanakughala, mwaba ng'oti n'abazaire abafiiriirwa omwana waibwe omulenzi omulala bedengedenge. Olunaku olwo luliba lwa bulumi lwonalwona.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 13:28

Ghalibaagho okulira n'okuluma emba, bwe mulibona Aburahamu ni Isaaka, ni Yakobo n'abalanzi boonaboona nga bali mu Bwakyabazinga bwa Katonda, ate nga imwe bababingira ku luya!

Luka 6:24

Aye mukagwireku imwe abakombe, kuba muli n'ebibasanhusa.

Luka 6:26

“Mukagwireku imwe, abantu boonaboona bwe banaaboogerangaku ebikalamu, kuba ni badhaadha baibwe batyo bwe baakola ku balanzi abasubayi.

Luka 8:53

Baamusekerera, nga bakiidhi ng'afiire.

Ab'Efeso 5:4

Era timugwaine kwogera bya buwemu, oba bya busiru, oba ebitabisika mu kanwa, aye mweyanzenga Katonda.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Yakobo 4:9

Munakughale era mulire; enseko dhifuuke maziga, okusagamba kufuuke kuwuubaala.

Okwolekebwa 3:17

Okoba oti, ‘Ndi mukombe, ndi bukalamu, nzira kye ndhulirira’, waaloba kumanha ng'oli mughafu asaasirwa, omwavu, omutulu era ali ekidu.

1 Samueli 2:5

Abo abaalyanga ni baiguta, mpegaano bapakasa bupakase okufuna kye banaalya; aye abo endhala be yalumanga, buti tekaabaluma. Omukazi eyali omugumba buti aliku abaana musanvu, aye ow'abaana kamaala tasigaizaagho waire mulala.