Luka 6:20 - Baibuli Ekibono kya Katonda 2014

²⁰ Yesu yaalingirira Abeegeresebwa be yaakoba ati: “Muli ba nkabi abaavu, kuba Obwakyabazinga bwa Katonda bwaimwe.

Luka 6:20 ပူးပေါင်းရင်းမြစ်များ

Zabbuli 37:16

Akantu akatono omuntu omutuufu k'ali nako, kasinga ekyodoodo ky'ebyo ababi abangi bye baba nabyo;

Ensambo 16:19

Okwewombeeka n'oba aghalala n'abaavu, kuwula okugabana ku munhago ogw'abeekuluntaza.

Ensambo 19:1

Omuntu amala gaba mwavu aye nga mwesigwa, atabaire muguya era omusiru.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Zekaria 11:11

Kale endagaano eyo yaasazibwamu ku lunaku olwo. Era abo abaasuubulanga entaama baali agho nga baaningiriire, baategeera nga Musengwa Katonda n'eyali ali kwogerera mu ekyo kye nakola.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Matayo 5:1

Agho Yesu bwe yabona abantu kamaala batyo, yaaniina ku lusozi, era bwe yamala okutyama, Abeegeresebwa be baaseeta gh'ali.

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Luka 13:28

Ghalibaagho okulira n'okuluma emba, bwe mulibona Aburahamu ni Isaaka, ni Yakobo n'abalanzi boonaboona nga bali mu Bwakyabazinga bwa Katonda, ate nga imwe bababingira ku luya!

Luka 14:15

Olwawulira ebyo, mulala ku be yali nabo ku kiiwulo yaamukoba ati: “Nga wa nkabi oyo alirya ku mere mu Bwakyabazinga bwa Katonda!”

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Luka 4:18

“Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

2 Ab'e Korintho 6:10

Tunakughazibwa aye tuba basangaavu buliidho, tuboneka ng'abaavu ate nga tukombaghaza abantu kamaala, tutwalibwa ng'abazira kantu ate nga bwenebwene byonabyona tuli nabyo.

2 Ab'e Korintho 8:2

Baabita mu kulebwa okunene nga badaazibwadaazibwa, aye baasigala nga basangaavu inho. Era baali baavu inho, aye baaba bagabi inho.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

1 Ab'e Thessalonika 1:6

Era n'imwe bwemwebisanga nga mubonera ku ife ni ku Musengwa, kuba waire mwadaazibwadaazibwa inho olw'ekibono, mwakiikiriza n'eisanhu eriva mu Mwoyo Mutukuvu.

2 Ab'e Thessalonika 1:5

Kino kyoleka nga Katonda bw'asalira abantu omusango mu butuufu. Ng'era olumaliira muligwanira okuba mu Bwakyabazinga bwa Katonda bwe muli kudaagirira.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

Okwolekebwa 2:9

Ndidhi okudaagadaaga kwo n'obwavu bwo, ate ng'oli mukombe. Ndidhi ebikughaamibwa abo abeeyeta Abayudaaya, ate nga ti Bayudaaya, aye abantu ba Sitaani.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.