Luka 5:21 - Baibuli Ekibono kya Katonda 2014

²¹ Abanamateeka n'Abafarisaayo baatoolera okwebuuza nga bakoba bati: “Ono naani ayogera ebivuma Katonda? Naani aghanga okusonigha ebibi okutoolaku Katonda yenka?”

Luka 5:21 ပူးပေါင်းရင်းမြစ်များ

Zabbuli 103:3

N'oyo asonigha okwonoona kwange kwonakwona, yaawonia endwaire dhange dhoonadhoona.

Zabbuli 130:4

Aye iwe otusonigha, tusobole okukugha ekitiisa.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Zabbuli 35:5

Malaika wa Musengwa Katonda k'abasindiikirize, babe ng'oti musinsi empewo gw'efuuwa obw'ere.

Isaia 1:18

Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Abalevi 24:16

Omuisiraeli yeenayeena oba omusenze anaavumanga eriina lya Musengwa Katonda, abantu boonaboona bamukubanga amabaale yaafa.

Mika 7:19

Oidha kutugemerwa kabiri ekivunika. Oidha kutyankirira ebibi byaife n'ebigere byo, memale obisuule mu nhandha bidimire okutuukira irala ghansi ku ntobo.

Matayo 26:65

Agho Omukulu wa Bakabona yaakendebula ebivaalo bye, era yaakoba ati: “Avumye Katonda! Tukaayenderaki abadhulizi? Mumaze okuwulira bw'avuma Katonda!

Matayo 9:3

Agho, abandi ku Banamateeka, mule munda baakoba bati: “Ono avuma Katonda!”

Luka 3:8

Agho ni, mwanie ebibala ebigwaniire okwenenia, era mutatoolera na kukoba mule muti, ‘Tuli ni iseife Aburahamu.’ Kuba ka mbakobere mu mabaale gano, Katonda aghanga okufuniramu Aburahamu abaana!

Luka 5:17

Lwali lulala, Yesu yali ayegeresa, era ng'ali n'amaani ga Musengwa ag'okuwonia. Abafarisaayo n'Abanamateeka abaali baviire mu buli kyalo: abaava e Galilaaya, mu Buyudaaya, ni mu Yerusalemu nga batyaime agho.

Luka 5:22

Aye Yesu yaamanha ebidhuubo byaibwe, yaakoba ati: “Lwaki mudhuuba mutyo mu myoyo gyaimwe.

Luka 7:49

Be yali nabo ku kiiwulo baatoolera okwebuuza mule bati: “Naani ono asobola n'okusonigha ebibi?”

Yoanne 10:33

Baamwiramu bati: “Tituli kwenda kukukuba mabaale lwa birungi by'okola, aye lwa kuvuma Katonda! Iwe oli muntu aye weefuula Katonda!”

Ab'e Roma 8:33

Naani alivunaana abalondemu ba Katonda, Katonda mwene bw'aba nga tabavunaana?