Luka 4:35 - Baibuli Ekibono kya Katonda 2014

³⁵ Aye Yesu yaagukaabukira ati: “Sirika era muveeku.” Omuzimu gwamusuula ghansi mu bantu, gwamuvaaku nga tigumukosiisa.

Luka 4:35 ပူးပေါင်းရင်းမြစ်များ

Zabbuli 50:16

Aye abakozi b'ebibi Katonda ababuuza ati: “Mudaagiranga ki okudeeberera amateeka gange, oba okughaya ku ndagaano yange?

Zekaria 3:2

Agho malaika wa Musengwa Katonda yaakoba Sitaani ati: “Iwe Sitaani, Musengwa Katonda agwananga yaakusalira omusango. Musengwa Katonda oyo eyalonda Yerusalemu agwananga yaakusalira omusango gwakusinga. Oyo y'oli kwenda okulumiriza ali ng'oti n'ekisiki kye baswankwire mu muliro.”

Matayo 17:18

Yesu yaakaabukira omuzimu omubi gwamuvaaku, era omulenzi yaawona, mu saawa yeene eyo.

Matayo 8:26

Yesu yaabakoba ati: “Lwaki mutiire, imwe ab'okwikiriza okutono!” Yaasituka, yaakaabukira kiwunga n'enhandha, era kyaba mulaala inho.

Mariko 1:26

Agho omuzimu gwamusikambula inho, gwamuvaaku nga gwana.

Mariko 4:39

Yesu yaasituka yaakaabukira kiwunga, n'enhandha yaagikoba ati: “Sirika, laala!” Era kiwunga yaalekera, n'enhandha yaalaala inho.

Mariko 9:26

Agho omuzimu gwayana era gwasikambula inho omulenzi, gwamuvaaku. Yaaba oti afiire era abantu kamaala baakoba bati: “Afiire!”

Luka 11:22

Aye amusinga amaani bw'amulumba n'amughangula, amutoolaku eby'okulwanisa bye yeesiga, era yaatoola n'ebintu by'amwagaana nabyo yaabigaba.

Luka 4:23

Yesu yaabakoba ati: “Nkakasa nga mwidha kunkoba ng'olugero luno bwe lukoba luti, ‘Omuyigha, weeyighe mwene,’ era muti, ‘Ebyo bye twawuliranga bye wakolera e Kaperinaumu, bikolereku ni ghano ku kyalo eky'ewaimwe woona.’ ”

Luka 4:39

Yaayemerera ghe yali yaalagira omusuudha gwa muleka, era mangu ago yaasitukiramu yaabagheereza.

Luka 4:41

Era n'emizimu emibi gyona gyava ku bantu kamaala nga gyasiikana giti: “Iwe oli Mwana wa Katonda!” Yaagikaabukira nga tagiganha kwogera, kuba gyali gimwidhi nga ni Kurisito.

Luka 8:24

Baaseeta ghe yali baamuzuusa baamukoba bati: “Mwegeresa, Mwegeresa, tuli kusaanagho!” Aye bwe yazuuka, yaakaabukira kiwunga n'amaadhi agaali gatabwike byalekera era kyaba mulaala.

Luka 9:39

aye bona omuzimu gumugema, talwa ng'ayasiikana, era nga gumutandigira, ng'afuukeera. Era tigumuvaaku nga tigumumenhiemenhie.

Luka 9:42

Bwe yali aseeta, omuzimu gwamusuula ghansi era gwamusikasika inho. Aye Yesu yaakaabukira omuzimu omubi, yaawonia omulenzi era yaamugemya lata we.

Okwolekebwa 12:12

Kale ni musagambe, imwe mwenamwena abali mu igulu. Aye mukagwireku imwe ensi n'enhandha! Kuba Sitaani aise ye muli n'obusungu obutakobekaku, ng'aidhi ati ali n'akaseera katono.”